Елордада той-томалақ өткізу тыйылмай тұр

НҰР-СҰЛТАН. ҚазАқпарат – Коронавирустың өршіп тұрғанына қарамастан елордада той-томалақ өткізетіндер тыйылмай тұр. Бұл туралы Нұр-Сұлтан қаласының бас мемлекеттік санитарлық дәрігері Сархат Бейсенова айтты, деп хабарлайды ҚазАқпарат тілшісі.

Ұқсас жаңалықтар

Таразда карантин талаптарын бұзғандарға 200-ге жуық хаттама толтырылған

Көксу ауданында қойылған 9 блокбекет алынып тасталды - Алматы облысы Әнші Марат Омаров той өткізген шымкенттік мейрамханаға қатысты тексеру басталды Маңғыстау облысында сәуірде 3 мектеп карантинге жабылды

«Қазіргі уақытта мониторинг топтары күнделікті рейд іс-шаралары жүргізіп, 100-ден астам кәсіпкерлік нысандарын қамтиды. Бұл ретте жеке тұлғалар тарапынан да, кәсіпкерлік субъектілер тарапынан да карантин іс-шараларын сақтамау фактілері анықталып жатыр. Яғни, тыйымдарға және коронвирс инфекциясы таралуының тәуекеліне қарамастан үйленутойы, туған күн, көңілді кештер сынды бұқаралық іс-шараларды ұйымдастыру және өткізу тыйылмай отыр. Нысандарда көп адам жиналады және әлеуметтік арақашықтық пен санитарлық нормалар сақталмайды», - деді бас санитарлық дәрігер елорда әкімдігінде өткен брифинг барысында.

Оның дерегінше, осы жылдың 1 қаңтары мен 7 сәуірі аралығында полицияға шектеу іс-шараларының бұзылғаны туралы 423 материал түскен. Олар бойынша іс қаралып, 29 млн теңгеден астам сомаға 146 әкімшілік айыппұл салынған. 72 айыппұл қысқартылған тәртіппен 12 млн теңдеген астам мөлшерде төленген.

«Мониторинг топтардың жұмысы карантиндің шектеу іс-шараларының бұзылуын анықтау және жолын кесуге бағытталған», - деді Сархат Бейсенова.