+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Елордада тәуліктің қарбалас шағында қосымша 7 қоғамдық көлік жүреді

2020 жылғы 27 ақпан 17:24
Бөлісіңіз:
Елордада тәуліктің қарбалас шағында қосымша 7 қоғамдық көлік жүреді

НҰР-СҰЛТАН. ҚазАқпарат – Кейбір қоғамдық көлікке адамның толып кету проблемасын шешу үшін CTS компаниясы қосымша 7 қоғамдық көлікті жолға шығармақ, деп хабарлайды ҚазАқпарат тілшісі.

«Биыл біз енгізіп жатқан жаңашылдықтың тағы бірі – «дәлелді» бағдарлар деп аталады. Олардың алғашқысы №24А бағдары жолға шығарылып та қойды. «Дәлелді» бағдарлар дегеніміз не? Бізде кейбір автобустарда жолаушылар тасымалы өте тығыз келеді. Мәселен қаланың Сарыарқа көшесіндегі автобустарға халық сыймай қалады. Сол себепті біз тәуліктің қарбалас шағында қосымша бағыты қысқа қоғамдық көліктерді шығаруды ұсынамыз», - деді CTS компаниясы басшысының орынбасары Бауыржан Сеитов «Елордадағы қоғамдық көлік кешенін дамыту: кеше, бүгін, ертең» атты көрме-конференциясында.

Оның айтуынша №7А, 8А, 11А, 15А, 24А, 47А, 54А бағдарындағы автобустар осылайша тәуліктің қарбалас шағында жолға шығарылады.

«Бұл өзгеріс қандай мүмкіндіктерді береді? Бұл жерде қоғамдық көліктермен қызмет көрсетудің тиімділігі артып, автобустарды оңтайлы тәртіпте пайдалануға жол ашылады», - деді ол.

Еске сала кетсек, бүгінгі көрме-конференция барысында Бекмырза Игенбердинов елордада кәмелетке толмаған балалар қалаішілік қоғамдық көлікпен тегін жүретінін хабарлаған еді.

Сонымен қатар халықтың алты санатына кіретін азаматтарға қала маңы бағдары бойынша қоғамдық көлік тегін болады. Ол алты санаттың ішіне зейнеткерлер, мүгедектер, соғыс ардагерлері, мүгедектерді алып жүрген адамдар, көпбалалы аналар және көпбалалы отбасылардың мүшелері кіреді.


Біздің каналымызға жазылыңыз:

Басты сөздер: Нұр-Сұлтан, Көлік,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT