Елордада тағы бір қаржы пирамидасының қызметі тоқтатылды

НҰР-СҰЛТАН. ҚазАқпарат - Қаржылық мониторинг агенттігі «Sincere Systems» қаржы пирамидасының қызметін тоқтатты, деп хабарлайды ҚазАқпарат Агенттікке сілтеме жасап.

«Қаржы пирамидасының ұйымдастырушылары сенгіш азаматтарға жаңа қатысушыларды тарту арқылы жоғары сыйақы алуға уәде беріп, инвестициялық жобаларға қомақты қаржы салуды ұсынған. Алдын ала келісім бойынша бір топ тұлғалардың қаржылық (инвестициялық) пирамида схемасын құру және басқару фактісі бойынша компанияның лауазымды тұлғаларына қатысты сотқа дейінгі тергеу басталды», - делінген хабарламада.

Сотқа дейінгі тергеп-тексерудің өзге де деректері тергеу мүддесі үшін жария етілмейді.