+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Елордада SIM-карта сататындар тексеріледі

2019 жылғы 21 қазан 17:52
Бөлісіңіз:
Елордада SIM-карта сататындар тексеріледі

НҰР-СҰЛТАН, ҚазАқпарат - Өзге азаматтарға тіркелген SIM-карталарды сату туралы қазақстандықтардың шағымына орай сауда нүктелері тексеріледі, деп хабарлайды ҚазАқпарат тілшісі.

«Жүргізілген тексерулердің нәтижесінде ұялы байланыс қызметтерін көрсетуге келісімшарт жасамай SIM-карталарды сату фактілері расталса, дилерлерге 100 АЕК дейін айыппұл салынады», - дейді ҚР Цифрлық даму, инновациялар және аэроғарыш өнеркәсібі министрлігі Телекоммуникациялар комитетінің төрағасы Виталий Ярошенко.

Оның айтуынша, алдын ала басқа азаматың атына тіркелген SIM-карталарды сату ұялы байланыс қызметін көрсету ережесін бұз болып табылады. Сондай-ақ, бұл сатып алушыға да ыңғайсыздық тудыруы мүмкін.

«Егер азамат SIM-картаны сатып алса және сатушы оған нөмірді тіркеуді ұсынбаса, бұл нөмірдің басқа біреудің атына тіркелгенін білдіреді. Нөмірдің иесі оны кез келген уақытта ажыратып тастауы мүмкін екенін түсіну керек», - дейді В. Ярошенко.

Айта кетейік, 2019 жылғы 1 қаңтарда Қазақстанда абоненттік құрылғыларды тіркеу аяқталды. Қазіргі уақытта қолданыстағы барлық мобильді телефондар SIM-карта иесінің ЖСН-на тіркелген. 2018 жылы SMS хабарлама жолдау арқылы тіркелмеген ұялы байланыс құрылғылары (2019 жылғы 1 қаңтарда) телефондағы SIM-картаға байланып, автоматты түрде тіркеуге қойылады.

Біздің каналымызға жазылыңыз:

Бөлісіңіз:

Автор:

Зарина Қаһарман

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT