Елордада сабақтардың өткізілмейтінін қайдан білуге болады

НҰР-СҰЛТАН. ҚазАқпарат – Қолайсыз ауа райына байланысты сабақтар болмайтыны жөнінде ақпаратты Нұр-Сұлтан қаласы әкімдігі мен Білім басқармасының ресми дереккөздері таратады, деп хабарлайды ҚазАқпарат.

Ұқсас жаңалықтар

Сабақтың тоқтатылуы мен жолдардың жабылғанын хабарландыратын мобильдік қосымша жасалды

«Қазіргі ауа райының жағдайын ескере отырып, сабақтар болмайтын жағдайда ақпарат Нұр-Сұлтан қаласы әкімдігі мен Білім басқармасының ресми дереккөздері арқылы таратылатынын еске саламыз», делінген басқарманың сайтында.

Ата-аналарға ауа-райы туралы деректерді анықтау мақсатында интернет-қосымшалар мен басқа да расталмаған дереккөздерді пайдалану ұсынылмайды.

Ақпарат төмендегі дереккөздер арқылы таратылады: 1) Нұр-Сұлтан қаласы Төтенше жағдайлар департаменті қызметінен келіп түскен SMS хабарлама; 2) iKOMEK109 қалалық орталығы (109 нөміріне қоңырау соғу, немесе мобильді қосымша мен чаттарына тіркеліп, хабарлама алу); 3) Қалалық Білім басқармасының ресми сайты. 4) Нұр-Сұлтан қаласы Білім басқармасының ресми Facebook-тегі парақшасы. 5) Нұр-Сұлтан қаласы әкімдігінің ресми сайты. 6) Smart Astana қосымшасы (мобильді қосымшасына тіркеліп, хабарлама алу).