Елордада Red Bus экскурсиялық автобустары жүре бастады
Елорда әкімдігінен мәлім еткендей , жолаушылардың қауіпсіздігін қамтамасыз ету мақсатында әрбір айналымнан соң автобус іші кварцталып, дезинфекцияланады.
«Red Bus экскурсиялық автобустары өз жұмысын бастағанын қуана хабарлаймыз! Біз аудиогидімізді жаңартып, қосымша жаңа бағыт – Есіл өзенінің жағалауын қостық», – делінген хабарламада.
Қауіпсіздік мақсатында әр айналым сайын автобус кварцталып, арнайы дезинфекция құралдарымен өңделеді. Салонда қолды тазарту үшін антисептик орнатылған және әр адамға бірреттік құлаққаптар беріледі. Барлық жолаушылар экскурсия барысында автобус ішінде маска тағып отыруы керек.
Red Bus автобустары күн сайын, демалыссыз қатынайды. Жөнелту орны – «Есіл өзенінің жағалауы» аялдамасы, 10:00, 12:50, 15:20 және 18:10.
Аялдамалар:
Есіл өзенінің жағалауы «Хан-Шатыр» СОО
«Мәңгілік ел» салтанат қақпасы
«Нұр-Әлем» музейі
Ұлттық музей
«Бәйтерек» монументі
«Ailand» океанариумы
Айта кетейік, коронавирус қаупіне байланысты жоспарланған кесте бойынша астанада 15 маусымнан бастап балабақшалар, кинотеатрлар мен ОСО-дағы ойын орталықтары ашылмайтын болды.
Бүгін таңертең Нұр-Сұлтан әкімі Алтай Көлгінов елордалықтарға тағы үндеу жасап, қонаққа және отбасылық мейрамдарға барудан бас тартуды сұрады.