Елордада өтетін сенбілікте 5 мыңға жуық ағаш отырғызылады

НҰР-СҰЛТАН. ҚазАқпарат - Экологиялық айлық аясында 12 қазанда Нұр-Сұлтанда Бүкіләлемдік жасыл желек отырғызу күніне арналған республикалық ағаш отырғызу акциясы өтеді, деп хабарлайды ҚазАқпарат елорда әкімдігінің ресми сайтына сілтеме жасап.

Жаппай ағаш отырғызу акциясына Парламент депутаттары, Президент әкімшілігінің, Экология, геология және табиғи ресурстар министрлігінің, Нұр-Сұлтан қаласы әкімдігінің, аудан әкімдіктері, «Нұр Отан» партиясы мен басқармалардың қызметкерлері және экологиялық ұйымдардың өкілдері қатысады.