Елордада Оралхан Бөкейдің «Ауыл хикаялары» спектаклінің премьерасы өтеді

НҰР-СҰЛТАН. ҚазАқпарат - 27-28 ақпанда Ә.Мәмбетов атындағы мемлекеттік драма және комедия театрында көрнекті жазушы Оралхан Бөкейдің «Ауыл хикаялары» спектаклінің премьерасы өтеді.

Ұқсас жаңалықтар

Астаналық кәсіпкер «Ashyq» мобильді қосымшасы туралы: Бизнес үшін жағдай жасалғанына ризамын

Нұр-Сұлтанда «Тәуелсіздіктің төл құрдастары» жобасы басталды Елорданың Достық үйінде Алғыс айту күніне арналған дөңгелек үстел отырысы өтті Елордада «Тәуелсіздіктің төл құрдастары» жобасы іске қосылды

«Алтайдың Кербұғысы» атанған заңғар жазушы Оралхан Бөкейдің әңгімелері өміршеңдігімен, терең сырлы лирикасымен ел жүрегінен өз орнын алған.

«Ауыл хикаялары» драмасы суреткер О.Бөкейдің «Апамның астауы», «Қош, махаббатым» және «Маңдайдан бағың шайқалса» әңгімелерінің желісі бойынша сахналанады.

Көрермендер өкініш пен қоштасу, қуаныш пен мұң, махаббат пен қимастық сезімін бастан кешіріп, кіші сахнада қойылымның қатысушына айналады. Қойылым сіздің жүрек түбіндегі ыстық сезімдерді оятып, асыл шақтарыңызды еске алуға, сіз үшін қымбат жандармен тағы бір мәрте тілдесуге, сырласуға мүмкіндік береді.

Авторы: Оралхан Бөкей. Режиссерлері: Қазақстанның еңбек сіңірген қайраткері – Сайлау Қамиев, Нұржігіт Муслимов, Әли Бидахмет, суретші –Айнұр Есболатова.

Өтетін орны: NOMAD CITY HALL

Мекен-жайы: Нұр-Сұлтан қаласы, Мәңгілік ел даңғылы, 55/2, B2-3. Басталуы сағат 19:00