Елордада мас жүргізуші автобусты соқты

НҰР-СҰЛТАН. ҚазАқпарат – 26 қарашада Уәлиханов пен Бөгенбай көшесінің қиылысында көпірден өте бергенде «Лада» автокөлігінің жүргізушісі мас күйінде маршруттық автобусты соққан, деп хабарлайды ҚазАқпарат қалалық ПД баспасөз қызметіне сілтеме жасап.

Ұқсас жаңалықтар

Түркістан облысында қарлы бораннан жолдар жабылып, көктайғақтан көліктер соқтығысты

Алматыда жол апатынан екі кішкентай бала жарақат алды Қызылордадағы жол апатынан тағы екі адам көз жұмды

Бұл кезде жолаушылар автобусы оңға қарай бұрылыста тұрып, басты бағытта өтіп бара жатқан көліктерге жол берген. Апат салдарынан автобус жолаушылары зардап шеккен жоқ.

Анықталғандай, «Лада» жеңіл автокөлігінің жүргізушісі 2016 жылдан бері темір тұлпарды мас күйінде жүргізгені үшін көлік құралын басқару құқығынан айырылған.

Алайда, осы уақыт ішінде жазаны елемей, үшінші рет рөлді мас күйінде тізгіндегені үшін полицияның қолына түскен.

Медициналық тексеруден өткеннен кейін наркологтың қорытындысы жүргізушінің орташа дәрежеде мас болғанын растады.

Қазіргі уақытта аталған факті бойынша ҚР Қылмыстық кодексінің 346-бабы, 2-тармағы бойынша қылмыстық іс қозғалды, жүргізуші қамалды.

Көлік коммуналдық айыппұл тұрағына қойылды.