19:27, 01 Мамыр 2019 | GMT +6
Елордада мамырдың 4-інде жылу беру маусымы аяқталады
НҰР-СҰЛТАН. ҚазАқпарат - Елордада мамырдың 4-інен бастап жылу берілмейді. Бұл туралы қала әкімінің орынбасары Арман Тұрлыбек аппарат мәжілісінде айтты деп хабарлайды ҚазАқпарат Елорда Инфо сайтына сілтеме жасап.
Оның сөзінше, бүгінгі таңда қаланың тыныс-тіршілігін қамтамасыз ететін нысандардың барлығы талапқа сай жұмыс істеп тұр. Қандай да бір төтенше жағдай болған жоқ.
Сонымен қатар әкімнің орынбасары Нұр-Сұлтанда жылу беру маусымы 2019 жылдың 4-ші мамырында аяқталатынын айтты.
Мәжілісте жылыту маусымына байланысты жәйттерден өзге қаланың санитарлық жағдайы, аулалардың қауіпсіздігі, қала аймақтарын көріктендіру сияқты және 2019 жылы өтетін Ұлттық бірығай тестілеуді ұйымдастыру мәселелері де сөз болды.