+7 (701) 759 90 19
USD 378.36 EUR 411.92
RUB 5.76 CNY 53.92
Jańalyqtar

Елордада құтқарушылар қар тазалауға көмектесті

2020 жылғы 26 қаңтар 07:22
Бөлісіңіз:
Елордада құтқарушылар қар тазалауға көмектесті

НҰР-СҰЛТАН. ҚазАқпарат – Төтенше жағдайлар бойынша комитет пен ТЖ бойынша елордалық департаменттің қызметкерлері қызметтің күшейтілген режімінде елорда тұрғындарын қар құрсауынан шығарып қана қоймай, зейнеткерлерге қол ұшын созды, деп хабарлайды ҚазАқпарат.

Ұқсас жаңалықтар
Біз біргеміз: Семейлік еріктілер мешітті тазалады Қарағандылық жастар «Birgemiz» жалпы облыстық акциясына қатысты Біз біргеміз: Зиялы қауым өкілдері акцияны қолдады

Бүгін 100-ге тарта құтқарушы халықтың әлеуметтік тұрғыда мұқтаж санатындағы адамдарына – зейнеткерлерге, сонымен бірге «Балалар үйіне», №88 орта мектепке, №85 «Мейіржан» мен №61 балабақшаға көмектесіп, қарын күреп, үлкен іс тындырды.

23-25 қаңтар аралығында елордалық ТЖД қызметкерлерінің күшімен қар құрсауынан 144 адам құтқарылып, 5 адам қауіпсіз жерге көшіріліп, батып қалған 94 көлік қар құрсауынан шығарылған.

№88 шұғыл желісіне 25 қаңтарда сағат 08.00-ден бастап 1060 қоңырау келіп түскен. Оның 748-і (70 пайызы) жолдардың ашылуына байланысты сұрақтар болып отыр.

Елорданың құтқарушылары қала шетіне шығу жоспарын кейінге қалдыруға және ауа райын, жолға қойылатын шектеулерді бақылауға кеңес береді. Қардың қалың түсуіне байланысты елордадағы коммуналдық қызметтерге тәулік бойы жұмыс жүргізуден басқа амал қалмады. Тұрсынбек Қабатлов бастаған өнерпаздар қардан тазартуға байланысты марафон бастап, бұл бастама бүкіл елдің қолдауына ие болып жатыр. Челленджді тіпті ел Президенті Қасым-Жомарт Тоқаев қолдап, бұл бастаманы Волонтерлар жылындағы ойлы қадамға теңеді. Тіпті елордадан бөлек өңір-өңірлерде аталмыш акция халықтың қолдауына ие болды.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT