Елордада коронавирус жұқтырудың тағы 3 жағдайы тіркелді

НҰР-СҰЛТАН. ҚазАқпарат –Нұр-Сұлтан қаласында коронавирус жұқтырған тағы 3 жағдай тіркелді, деп хабарлайды ҚазАқпарат.

ҚР Денсаулық сақтау министрлігінің мәліметінше, елімізде сағат 20 наурыз 22:00-дегі жағдай бойынша, тағы 3 адамнан коронавирус табылған.

Осылайша, Қазақстанда қауіпті індетті жұқтырғандар саны 52 болды. Оның ішінде Алматыда - 22, Нұр-Сұлтанда – 28 және Қарағандыда - 2 жағдай тіркелген.