USD 434.34 EUR 491.93
RUB 5.56 CNY 68.67
Jańalyqtar

Елордада коронавирус жұқтырған жеті баланың жағдайы ауыр

2021 жылғы 11 тамыз 17:40
Бөлісіңіз:
Елордада коронавирус жұқтырған жеті баланың жағдайы ауыр

НҰР-СҰЛТАН. ҚазАқпарат – Нұр-Сұлтан қаласында 74 бала коронавирустан емделіп жатыр, оның ішінде 7 баланың жағдайы ауыр. Бұл туралы Нұр-Сұлтан қаласы Қоғамдық денсаулық сақтау басқармасының басшысы Тимур Мұратов мәлім етті, деп хабарлайды ҚазАқпарат.

Ұқсас жаңалықтар
Испанияда екі аптада коронавирустың 1,5 млн жуық оқиғасы анықталды Қазақстанға Қытайдың Sinopharm вакцинасының 2 млн дозасы жеткізілді «Ревакцинациядан кейін адамдар «омикрон» штамын жұқтырады» - фейк

«Ересектерден бөлек коронавирус ауруы балалардың арасында да кезедеседі. Қазіргі таңда елордада 74 бала стационарда ем қабылдап жатыр, оның ішінде 7 баланың жағдайы ауыр. Өткен тәулікте 12 бала ауруханаға түсті. Одан бөлек, 834 бала амбулаторлы түрде ем алып жатыр», - деді Тимур Мұратов ОКҚ-де онлайн өткен баспасөз мәслихатында.

Басқарма басшысының мәліметінше, елордада жыл басынан бері коронавируспен 10 мыңнан астам бала ауырып шықты.

«Әсіресе вирусты жұқтырушылар жаз мезгілінде өсіп отыр. Маусым айынан бастап балалар вирустың айқын клиникалық белгілерімен түсе бастады. Бұл улану, қалтырау, дене қызуының көтерілуі, катаральды көріністер де болуы мүмкін. Балалардың отбасындағы екпе алмаған адамдармен байланыстан соң ауыра бастағандығын атап өткім келеді. Яғни вакцина алмаған азаматтар вирусты өз балалары мен жақындарына жұқтырады», - дейді ол.

Бұған дейін Т. Мұратов Нұр-Сұлтан қаласында бір тәуліктің ішінде жәдел жәрдем қызметіне 3300-ден астам қоңырау түсіп, мобильді бригадалар күніне 2 мыңнан астам шақыртуға барғанын айтты.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059

MURAǴAT