+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Елордада Конституцияның 25 жылдығына орай қандай іс-шаралар өтеді

2020 жылғы 26 тамыз 15:49
Бөлісіңіз:
Елордада Конституцияның 25 жылдығына орай қандай іс-шаралар өтеді

НҰР-СҰЛТАН. ҚазАқпарат - Конституция күніне арналған іс-шаралар онлайн форматта ұйымдастырылады, деп хабарлайды ҚазАқпарат.

Елорда әкімдігінің сайтына жариялаған мәліметке қарағанда, Конституциясының 25 жылдығына арналған іс-шаралар жоспары бекітілген. Атап айтқанда, 10-29 тамызда «Конституция бостандықтың кепілі» ән челленджі басталады.

14 тамыз күні Әл-Фараби атындағы оқу-тәрбие орталығы ашылады.

Орталықтандырылған кітапханалар жүйесі 15-31 тамыз аралығында иллюстрациялық кітап – онлайн-инсталляция ұсынады.
Ал, 25 тамызда «Мен өз құқығымды білемін» атты балалар сурет байқауы өтеді.

26 тамызда Әл-Фараби атындағы оқушылар сарайында «Ата заңым – ардағым» ақындар байқауы ұйымдастырылса,

Қалалық Мемлекеттік архиві 27 тамыз-4 қыркүйек аралығында Конституцияның 25 жылдығына арналған көрме өткізеді.
28 тамыз күні «Наз» мемлекеттік би театры «Ата заң - елдің айбыны, еркіндігі, байлығы» атты онлайн концерт қояды.

Сондай-ақ 28 тамызда «халық доп» бойынша «Елордалық балалар – спорттық ауысым» атты чемпионат өтеді. 29-30 тамызда әлеуметтік жағдайы төмен отбасыларға арналған ЭМБ қайырымдылық шаралары ұйымдастырылады.

«Жастар театры» 30 тамыз күні әлеуметтік желі арқылы «Айбарлы асқар елді асқақтатар Ата Заң» атты онлайн-концерт тарту етеді. Дәл сол күні «Nomad» театры актерлері патриоттық әндермен онлайн құттықтау жолдайды.

30 тамызда елордалық филармония әртістері Астана концерт залында

Конституция күніне арналған концерт өткізеді.

Сондай-ақ, Конституцияның 25 жылдығына арналған дөңгелек үстел отырысын өткізу,«Қазақстан Республикасының Конституциясына 25 жыл», «Қазақстан халқының Ассамблеясына 25 жыл» мерейтойлық медальдарымен қоғам белсенділерін марапаттау жоспарланып отыр.


Біздің каналымызға жазылыңыз:

Бөлісіңіз:

Автор:

Гүлзат Ақжолова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT