+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Елордада қазақтың үш биіне және әл-Фарабиге көше атауы берілуі мүмкін

2019 жылғы 22 қазан 19:12
Бөлісіңіз:
Елордада қазақтың үш биіне және әл-Фарабиге көше атауы берілуі мүмкін

НҰР-СҰЛТАН. ҚазАқпарат – Нұр-Сұлтан қаласы Тілдерді дамыту және архив ісі басқармасының басшысы Тілеуғали Қышқашбаев елордадағы бірқатар көшеге белгілі тұлғалардың есімін беру ұсынысын Қоғамдық кеңес мүшелерінің алдына қойды, деп хабарлайды ҚазАқпарат тілшісі.

«2019 жылдың 3 қазанында өткен Нұр-Сұлтан қалалық ономастика комиссиясының отырысында елордамыздың 8 құрамдас бөлігіне атау беру туралы ұсыныс қолдау тапты. Біріншісі – әкімдікке жолданған Мемлекеттік хатшының «Қаламгерлер аллеясын» ашу туралы Өкіміне сәйкес, Нұр-Сұлтан қаласының Байқоңыр ауданындағы Абай даңғылының бойында орналасқан Әлмұқан Сембинов көшесінен басталып, Егемен Қазақстан көшесінде аяқталатын атаусыз аллеяға «Қаламгерлер аллеясы» атауын беру туралы ұсыныс», - деді Тілеуғали Қышқашбаев.

Басқарма басшысы, екіншіден, «Арай» саябағына «Жетісу» атауын беру туралы ұсыныс қолдау тапқанын атап өтті.

«Үшіншіден, қала тұрғындары Райымбек батырдың, қазақтың үш биі – Төле, Қазыбек, Әйтеке билердің, әлем және Еуропаның бірнеше дүркін чемпионы Анатолий Храпатыйдың есімімен көше атау ұсынысын білдірді. Ономастика комиссиясының отырысында ол ұсыныс, сонымен бірге Әбу Насыр әл-Фарабидің 1150 жылдығына орай ғалымның атына көше беру туралы ұсыныс қолдау тапты», - деді ол.

Тілеуғали Қышқашбаев аталмыш ұсыныстарды қалалық Қоғамдық кеңес мүшелерінің талқысына шығарды. Оған Кеңес мүшелері бірауыздан қолдау білдірді.

Бұл ұсыныстар ендігі кезекте қалалық мәслихаттың қарауына жолданады.

Біздің каналымызға жазылыңыз:

Басты сөздер: Нұр-Сұлтан, Қоғам, Әкімдік,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059

MURAǴAT