+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Елордада қай санаттағы азаматтарға тегін маска беріледі

2020 жылғы 31 наурыз 12:32
Бөлісіңіз:
Елордада қай санаттағы азаматтарға тегін маска беріледі

НҰР-СҰЛТАН. ҚазАқпарат – Нұр-Сұлтан қаласының әкімі Алтай Көлгінов елордаға тағы 1 млн маска жеткізілгенін мәлім етті, деп хабарлайды ҚазАқпарат тілшісі.

«Біз ең бірінші кезекте Денсаулық сақтау министрлігімен және «СК-Фармациямен» бірге маскаларды медициналық қызметкерлерге, блок-посттарда еңбек ететін қызметтегілерге, қаланы патрульдейтін қызметкерлерге, жедел жәрдем қызметкерлеріне және әртүрлі аурумен есепте тұрған азаматтарға тегін береміз. Осы адамдарға қазірдің өзінде 300 мың медициналық маска тегін таратылды. Сондай-ақ «Nur Otan» партиясының волонтерлары әлеуметтік тұрғыда аз қамтылған азаматтарға маскаларды тегін таратады. Ірі гипермаркеттерде 30 мың маска бердік. Яғни осыдан былай супермаркеттер мен гипермаркеттерге қатаң талап қойдық: адамдар кірген кезде қолын жуып, санитарлық талапты сақтауы керек», - деді Алтай Көлгінов Тенгриньюс.кз порталына берген тікелей эфирдегі сұхбатында.

Қала басшысы қазіргі таңда елордаға тағы 1 млн маска жеткізілгенін айтып өтті.

«Әлбетте, жетіспеушілік сезіледі. Себебі адамдар әу баста масканы жаппай сатып алып кеткен. Қазір бір адамға 5 маскадан ғана таратамыз. Бірақ әрбір ұсақ дәріханада маска бар деп айта алмаймын. «Еврофарм», «Гиппократ», «Биосфера» секілді дәріханалармен жұмыс жүргізудеміз», - деді ол.

Алтай Көлгінов қаладағы «Ютари» компаниясы маска тіге бастағанын мәлім етті.

«Мәселе бақылауда. Келесі аптада қаламызға тағы да маскалар мен антисептиктер жеткізіледі», - деді ол.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT