+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Елордада қате жазылған көше жарнамалары тексеріліп жатыр

2019 жылғы 19 маусым 22:19
Бөлісіңіз:
Елордада қате жазылған көше жарнамалары тексеріліп жатыр

НҰР-СҰЛТАН. ҚазАқпарат - Нұр-Сұлтан қаласында Тілдерді дамыту және архив ісі басқармасының қолға алуымен «Тіл тазалығы - баршаға ортақ іс» акциясы өтіп жатыр, деп хабарлайды ҚазАқпарат елорда әкімдігіне сілтеме жасап.

«Акцияның негізгі мақсаты - тілдерді қолдану саласындағы заңнаманың сақталуын қадағалау, заңнаманы бұзғандардың жауапкершілігін күшейту, мемлекеттік тілді қолданудың мәртебесін өсіру, сыртқы жарнама мен көрнекі ақпарат мәтіндерінде кездесетін қателердің алдын алу», - деді әкімдіктен.

Мәлім етілгендей, биылғы сәуір-мамыр айларында қаланың 68 көшесі мен 14 даңғылында орналасқан шағын және орта бизнес субьектілерінің жарнама мәтіндері тексерілді. Кәсіп иелеріне заңнама талаптары түсіндіріліп, кемшіліктер түзетілді.

«Рұқсатсыз орналастырылған 400-ден астам жарнама алынып тасталды. Ұйымдастырушылар акцияның аралық қорытындысын «дөңгелек үстел» отырысында жариялайды. Оған Нұр-Сұлтан қаласы әкімдігінің басшылығы, Қазақстан Республикасы Мәдениет және спорт министрлігінің Тіл саясаты комитеті, Нұр-Сұлтан қаласының прокуратурасы, қалалық кәсіпкерлер палатасы, «Алматы», «Байқоңыр», «Есіл», «Сарыарқа» аудандарының әкімдіктері, Сәулет, қала құрылысы және жер қатынастары, Инвестициялар және кәсіпкерлікті дамыту басқармалары және тағы басқа мемлекеттік мекемелердің өкілдері, сондай-ақ қоғам қайраткерлері мен арнайы шақырылған дәріскерлер қатысады», - делінген ақпаратта.

Біздің каналымызға жазылыңыз:

Басты сөздер: Нұр-Сұлтан, Әкімдік,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT