Елордада карантин талаптарын бұзғаны төрт мекеме жауапқа тартылды
Коронавирус инфекциясының алдын алу, таралу және жұқтыру қаупіне қарамастан, кейбір мекемелер карантин шектеуін жүйелі түрде бұзып келеді.
14 сәуірде түнде Есіл ауданында орналасқан «Coffee Vista» кофеханасы белгіленген жұмыс режимін сақтамай келушілерді қабылдады. Осындай жағдай Сарыарқа ауданындағы «Karima» кафесі мен «Панаехали» атмосфералық барында қайталанды.
Байқоңыр ауданында жұмыс істеуіне тыйым салынғанына қарамастан Respawn ойын клубы келушілерді қабылдады.
Жиналған материалдың бәрі санитарлық-эпидемиологиялық бақылау басқармасына шара қолдану және құқық бұзушыларды әкімшілік жауапкершілікке тарту үшін тапсырылды.
Естеріңізге сала кетейік, Нұр-Сұлтан эпидемиологиялық ахуалды бағалау матрицасы бойынша қызыл аймаққа енгеніне бір айдан асты. Қаладағы эпидемиологиялық жағдай әлі де құбылмалы.