+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Елордада карантин аумағын заңсыз кесудің 56 фактісі анықталды

2020 жылғы 26 наурыз 14:11
Бөлісіңіз:
Елордада карантин аумағын заңсыз кесудің 56 фактісі анықталды

НҰР-СҰЛТАН. ҚазАқпарат – Нұр-Сұлтан қаласында наурыздың 19-25 аралығында карантин аумағын кесіп өту бойынша 56 факті анықталды. Бұл туралы қалалық Полиция департаментінің басшысы Ержан Сәденов мәлім етті, деп хабарлайды ҚазАқпарат.

Ұқсас жаңалықтар
Алматыда медициналық мекемелерге 17 өкпені жасанды желдету аппараты табысталды Карантин кезінде мүгедектікті айқындау қалай жүзеге аспақ COVID-19: Нұр-Сұлтандағы госпитальдің қытайлық, өзбекстандық ауруханалардан айырмашылығы түсіндірілді

«Аталмыш уақыт аралығында елордаға кіріп-шығудың ерекше режимін бұзғаны үшін 56 азамат әкімшілік жауапкершілікке тартылды. Оның ішінде 31 азамат 15 тәулікке әкімшілік қамауға алынып, 9 азаматқа 10 АЕК көлемінде айыппұл салынды. Ал қалған 16 тұлғаға қатысты материалдар соттың қарауына жолданды», – деді Ержан Сәденов.

Полиция мәліметінше, карантин аумағын заңсыз кесіп өтпек болған 56 оқиғаның 10-ы карантин талабын автокөлікпен бұзуға қатысты тіркелген.

«Адамдар карантин аумағын айналма жолдармен, сондай-ақ жазық дала арқылы өтпек болған. Мұндай фактілердің барлығының жолы кесілді. Айталық, карантин аумағының іргесінде елді мекен бар: тәртіп бұзушы ауылға 5 литр арақты жаяу алып өтпек болған. Алайда ол сол жерде ұсталды», - деді бас полицей.

Естеріңізге салсақ, 19 наурызда елордалық Полиция департаменті қызмет атқарудың ерекше режиміне көшірілді. Осыған байланысты Нұр-Сұлтан қаласының периметрімен (Жібек жолы, Қосшы, Қараөткел, Талапкер және Қоянды елді мекендері қамтылған) 7 блокбекет орнатылды.

Қадағалау бекеттерінің арасында жедел топтар жұмыс істейді. Олар жол талғамайтын көліктермен және әуеден бақылау дрондарымен қамтамасыз етілген. ІІБ мәліметінше, бүгінгі күні айналма жол арқылы патрульдік жасақтар ілесе отырып, 2 мыңнан астам автокөлік және 3 600 азамат транзиттік маршрутпен өтті. Оған қоса, Нұр-Сұлтан қалалық прокуратурасының үйлестіруімен уақытша шектеулер мен шаралардың заңды жүзеге асырылуын қадағалауды қамтамасыз ету мақсатында құрамына прокуратура, полиция және мемлекеттік кіріс қызметкерлері шоғырланған жедел топ құрылды.




Біздің каналымызға жазылыңыз:

Басты сөздер: Нұр-Сұлтан, Коронавирус,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT