15:31, 08 Ақпан 2020 | GMT +6
Елордада қала маңына қатынайтын үш автобус уақытша жүрмейді
НҰР-СҰЛТАН. ҚазАқпарат - Кейбір тасжолдардың жабылуына байланысты қала маңына қатынайтын №310, 317, 318 бағдарларының қозғалысы уақытша тоқтатылды, деп хабарлайды ҚазАқпарат Astana Smart Bot-қа сілтеме жасап.
Ал мына бағдарлардың бағыты өзгерді:
№ 315 бағдар Ижевск ауылына кірмейді.
№ 306 бағдары Талапкер ауылында Мәдениет, Баршын, Қажымұқан көшелерімен жүрмейді. «Талапкер ауылы» аялдамасына дейін жүреді.
№ 326 бағдары Талапкер ауылының соңғы аялдамасына дейін бармай, «Эдем» аялдамасына дейін жүреді.
№ 307 бағдар «Алай» базарына кірмейді.
№ 305, 312 бағдарлары Қаражар ауылына кірмейді.
№ 314 бағдар Қызылсуат ауылының соңғы аялдамасына дейін жүрмейді.
Басқа қаламаңы бағдарлары өзгеріссіз жүріп жатыр.