Елордада ITF Circuit «Astana Women's» халықаралық әйелдер турнирі басталады

АСТАНА. Тамыздың 2-сі. ҚазАқпарат - Бүгін елордада жүлде қоры 50 мың АҚШ долларын құрайтын ITF Circuit «Astana Women's» халықаралық әйелдер турнирі басталады. Бұл ақпаратты ҚР Теннис федерациясының баспасөз қызметі таратып отыр.

Байрақты бәсекеге Қазақстан, Қырғызстан, Ресей, Беларус, Өзбекстан, Ұлыбритания, Грузия және Жапония елдерінің теннисшілері қатысады. Ашық кордта өтетін турнир тамыздың 7-іне дейін жалғасады. Аталған спорттық іс-шараны Қазақстан Теннис федерациясы мен Қазақстанның теннис туры ұйымдастырып отыр.