Елордада ғарыш орталығының планетарийі бой көтереді

НҰР-СҰЛТАН. ҚазАқпарат - Елордада «Қазақстан Ғарыш Сапары» ҰК» АҚ-ның планетарийі бой көтереді, деп хабарлайды ҚазАқпарат қала сайтына сілтеме жасап.

Нұр-Сұлтан қаласының туристік картасына енетін жаңа нысан бір мезетте 300-ге жуық көрерменді сыйдыра алады.

Елорданың Сәулет, қала құрылысы және жер қатынастары басқармасының мәліметіне сәйкес, планетарийде ғарыш мұражайы, үлкен әкімшілік-шаруашылық блок, үлкен кеңсе орталығы орналасатыны жоспарланған. Ол Қосшы кенті мен Нұрсұлтан Назарбаев Халықаралық әуежайы маңындағы айналма жол тұсында салынады.

«Қазіргі уақытта ғарыш мұражайы мен ғарыш корабльдерінің макеттерін қамтитын жобаның бірінші кезегі салынды», - делінген мәліметте.