+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Елордада емделіп, үйіне қайтқан СҚО тұрғынынан коронавирус анықталды

2020 жылғы 30 мамыр 14:27
Бөлісіңіз:
Елордада емделіп, үйіне қайтқан СҚО тұрғынынан коронавирус анықталды

ПЕТРОПАВЛ. ҚазАқпарат – Өткен тәулікте Солтүстік Қазақстан облысында СОVID-19 инфекциясын жұқтырудың 3 жағдайы анықталды, деп хабарлайды ҚазАқпарат тілшісі.

Шұғыл штабтың мәліметінше, 3 оқиғаның барлығында індет сырттан әкелінген. 1980 және 1990 жылы туған Қазақстан азаматтары Ресейдің Тобыл және Омбы қалаларында вахталық әдіспен жұмыс істейді. 28 мамыр күні олардың біреуі Мамлют ауданының «Жаңажол», екіншісі - М. Жұмабаев ауданының «Қарақоға» бекеті арқылы шекарадан өткен.

Екі ер адамда да аурудың клиникалық белгілері болмаған, келген соң COVID-19-ға тексерілді және карантиндік стационарға жатқызылды.

«Зертханалық зерттеулердің оң нәтижелерін алғаннан кейін инфекция жұқтырғандар Петропавлдағы бірінші қалалық аурухананың жұқпалы аурулар бөліміне жатқызылып, бекітілген хаттамаға сәйкес емдеу басталды. Байланыстағы адамдардың саны анықталуда», - делінген ақпаратта.

Ал үшінші жағдайда науқас – Петропавл қаласының 63 жастағы тұрғыны. 28 мамырдан бастап екі күн бойы №2 қалалық емхананың Call-орталығына дене қызуының 38 С-қа дейін жоғарылауына шағымданған. Дәрігер әйелді қарап, COVID-19-ға тексерді. Сараптама нәтижесі оның қауіпті індетті жұқтырғанын көрсеткен. Қазір науқас Петропавлдағы бірінші қалалық аурухананың жұқпалы аурулар бөлімшесінде ем алып жатыр.

Мамандардың айтуынша, Петропавл тұрғыны 27 мамыр күні Нұр-Сұлтан қаласынан стационарлық емдеуден келді. Қауіпті індетті сонда жұқтыруы мүмкін. Онымен қарым-қатынаста болған 8 адам анықталды. Эпидемиологиялық тексеру жалғасуда.

Соңғы мәліметтерге сәйкес, СҚО аумағында COVID-19 вирусын жұқтырған 54 адам тіркелген.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT