20:34, 29 Қыркүйек 2019 | GMT +6
Елордада дүйсенбіден бастап тұрғын үйлерге жылу беріледі
НҰР-СҰЛТАН. ҚазАқпарат – Елордада ертеңнен бастап бірқатар тұрғын үйлерге жылу беріледі. Бүгін қаладағы әлеуметтік нысандар жылыту жүйесіне қосылды, деп хабарлайды ҚазАқпарат қала әкімі Алтай Көлгіновке сілтеме жасап.
«Ауа-райына байланысты мектептер, балабақшалар, ауруханалар мен емханалар келіп түскен өтініштерге орай жылыту жүйесіне қосылды. Ертеңнен бастап тұрғын үйлер мен басқа да нысандарды қосуды бастаймыз. Бұл жұмыс бірнеше күнге созылады. Ережеге сәйкес жылыту маусымы орташа тәуліктік температура +10 градусты көрсетіп, бес күн бойы сақталғанда басталады», деп жазды қала әкімі Instagram-дағы парақшасында.