Елордада демалыс күндері жәрмеңке өтеді

None
None
НҰР-СҰЛТАН. ҚазАқпарат – Елордада алдағы демалыс күндері ауыл шаруашылығы өнімдерінің жәрмеңкесі өтеді, деп хабарлайды ҚазАқпарат қала әкімдігіне сілтеме жасап.

Демалыс күнгі жәрмеңкелер елорда тұрғындары арасында үлкен сұранысқа ие. Себебі мұнда бірінші қажеттіліктегі азық-түлікті нарықтан төмен бағамен сатып алуға болады.

Есіл ауданында Сауран көшесі 7-үйдің жанында 17 сәуірден бастап демалыс күнгі жәрмеңке өткізу қолға алынды.

15 мамырдан бастап Сарыарқа ауданында Қосшығұлұлы көшесі 14-үйдің жанында осындай жәрмеңке өткізіледі.

Ауыл шаруашылығы жәрмеңкелері әлеуметтік маңызы бар азық-түлік тауарларының бағасын ұстап тұру, тұрғындар үшін азық-түлік өніміне қолжетімділікті қамтамасыз ету және бәсекелестік ортаны құру мақсатында өткізіледі.

Жәрмеңкеге Ақмола, Қарағанды облыстарының елордаға жақын аудандарынан шыққан отандық тауар өндірушілер, шаруа және фермерлік қожалықтар, сондай-ақ, қаланың жеке кәсіпкерлері қатысады.

Алдағы жәрмеңкеге Ақмола облысынан «Мәкенова» ЖК, «Кулкатово» ЖК, Қарағанды облысынан «Асхат» ет шаруа қожалығы, Петропавлдан «Панченко» ЖК кондитерлік өнімдері, «Роза» ЖК шұжық өнімдері әкелінеді.


Соңғы жаңалықтар