+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Елордада дәстүрлі «Мың алғыс» қайырымдылық кеші басталды

2020 жылғы 28 ақпан 19:11
Бөлісіңіз:
Елордада дәстүрлі «Мың алғыс» қайырымдылық кеші басталды

НҰР-СҰЛТАН. ҚазАқпарат - Елордадағы «Қазақстан» Орталық концерт залында «Мың алғыс» қайырымдылық кеші басталды. Бұл туралы шара ұйымдастырушылары «Қазақстан» РТРК мен «Қазақ радиолары» ЖШС хабарлады.

Қайырымдылық кеші 2016 жылы Елбасы Н. Ә. Назарбаев бекіткен «1 наурыз – Алғыс айту күніне» орайластырылып отыр. Кештің мақсаты – мейірімділік, қайырымдылық, өмірге деген құлшынысты насихаттау, сондай-ақ көмекке мұқтаж жандар мен ауыр дертке шалдыққандарға көмектесу. Іс-шараға Парламенттің қос палатасының, оның ішінде ҚХА атынан сайланған депутаттар мен зиялы қауым және БАҚ өкілдері келген.

Қайырымдылық кешінде «Мың алғыс» радиохабарына көмек сұрай келген жандарға қаржылай қолдау көрсетіліп, ем-домына жиналған қаражат табысталды. Бұдан бөлек, 3 көпбалалы отбасыға пәтер кілті берілді. Бір-бірін жоғалтып алған апалы-сіңлілі жандардың 56 жылдан кейін сахнада кездесуі де көрермен жүрегін тебірентті. Шешентсан Республикасынан келген Наталья Шенгириева Павлодар қаласында тұратын бауырын «Қазақ» радиосындағы «Бармысың, бауырым?» бағдарламасының арқасында тапқан.

Айта кеткен жөн, «Қазақстан» РТРК мен «Қазақ радиолары» ЖШС бұл қайырымдылық марафонын осымен үшінші жыл қатарынан өткізіп отыр. Осы уақыт ішінде «Мың алғыс» жобасы арқылы жалпы сомасы 85 млн.теңгеден астам қаржыға көмек көрсетілген.


Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT