+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Елордада автобус парктерінің 3 лауазымды тұлғасы жазаланды

2019 жылғы 11 қазан 13:33
Бөлісіңіз:
Елордада автобус парктерінің 3 лауазымды тұлғасы жазаланды

НҰР-СҰЛТАН. ҚазАқпарат – Елордада «Автобус» жедел алдын алу шарасының бір күні ішінде автопарктердің 3 лауазымды тұлғасы жауапкершілікке тартылды, деп хабарлайды ҚазАқпарат тілшісі.

Жолдағы қауіпсіздікті күшейтіп, автобус жүргізушілерінің көліктік тәртібін қатайту үшін елордада осы жылдың 10-17 қазаны аралығында «Автобус» жедел алдын алу шарасы өткізілуде. Шара аясында патрульдік полицейлер мен көліктік бақылау инспекторларының жедел тобы құрылып, бір күннің ішінде қоғамдық көлік жүргізушілерінің 100-ден астам заңбұзушылық жасағаны анықталды.

«Атап айтқанда, көлік құралын жүргізіп келе жатып, телефонмен сөйлесудің 24 жағдайы, ауаға ластаушы заттардың мөлшерін арттыра таратудың 11 жағдайы, бұрылыс ережелерін сақтамаудың 15 жағдайы, тыйым салынған көлік құралын пайдаланудың 6 жағдайы тіркелді», - деп хабарлайды қалалық Полиция департаментінен.

Сонымен қатар жолаушыларды, багаждар мен жүктерді тасымалдаудың ережелері, еңбек және демалыс режімінің бұзылғаны анықталды. Сондай-ақ тиісті рұқсатсыз, техникалық тексерусіз құрылғыны қайта жасау жағдайлары кездескен.

«Бұдан бөлек, техникалық ақауы және пайдалану ережелерінің басқа да бұзушылықтары бар көлік құралдарын жолға шығарғаны үшін автобус парктерінің 3 лауазымды қызметкері әкімшілік жауапкершілікке тартылды», - делінген мәліметте.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT