+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Елордада әуесқой театрлардың халықаралық фестивалі басталды

2019 жылғы 15 тамыз 16:50
Бөлісіңіз:
Елордада әуесқой театрлардың халықаралық фестивалі басталды

НҰР-СҰЛТАН. ҚазАқпарат – Елордада әуесқой театрлардың «Сәтті билет» атты ІІ халықаралық фестивалі өтіп жатыр, деп хабарлайды ҚазАқпарат тілшісі.

Ұқсас жаңалықтар
Семейлік оқушы халықаралық сұлулық байқауының жеңімпазы атанды Нұр-Сұлтанда аула клубтарының фестиваліне 500-ге жуық бала қатысты Әбіш Кекілбаевтың туған ауылында ескерткіші қойылды

Нұр-Сұлтан қаласының «Современник» халықтық жастар театрының ұйымдастыруымен, елорда әкімдігінің мен Ресейлік ғылым және мәдениет орталығының қолдауымен өтіп жатқан сахна додасына ресейден де үміткерлер келіпті.

«Жыл сайын астанамызда кәсіби театрлар бас қосып жатады. Ондай шараларға біз сияқты әуесқой сахна өкілдері қатыса алмайды. Сондықтан, әуесқой театрлардың басын биыл екінші рет Нұр-Сұлтан қаласында қосып отырмыз. Былтыр да халықаралық деңгейде өткізген болатынбыз. Биыл үміткерлер саны былтырғыдан көп. Алғашқы жылы 3 ұжым ғана бақ сынаса, биыл 5 театр қатысқалы отыр. Оның екеуі Ресейдің Түмен және Қорған қалаларынан келсе, Нұр-Сұлтан қаласының атынан екі ұжым шығады. Сондай-ақ, Рудный қаласының бір театры бар. Негізі фестивальға қатысушылардың жасына шектеу жоқ. Түменнен келген әуесқой балалар театрында бес жасар бүлдіршін де бар. Ал біздің арамызда 30-дан асқан өнерпаз жүр. Бар-жоғы бес ұжым қатысып жатса да, «бас жүлде» мен үш жүлделі орын тағайындалған. «Үздік әйел рөлі» және «Үздік ер адам рөлі» деген аталымдар да бар. Жеңімпаздарға грамоталар мен мүсіншелер табысталады. Былтыр қаржылай сыйлық берген болатынбыз. Биыл оған демеуші болмады», - дейді «Современник халықтық жастар театрының өкілі Бауыржан Тоғызбаев.

Фестиваль екі күнге жалғаспақ. 15-16 тамыз күндері NomadCityHall ғимаратында бес ұжым көрермен назарына түрлі жанрдағы бірнеше қойылым ұсынады.

Біздің каналымызға жазылыңыз:

Басты сөздер: Нұр-Сұлтан, Мәдениет,
Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT