Елордада ауаға зиянды газдарды көп бөлетін көліктер тексеріліп жатыр

None
None
НҰР-СҰЛТАН. ҚазАқпарат – Астанада зиянды газдарды шамадан тыс бөлетін 260-тан астам көлік анықталды, деп хабарлайды ҚазАқпарат тілшісі қала әкімдігінің Facebook-тегі парақшасына сілтеме жасап.

«Нұр-Сұлтан қаласының аумағында автокөлік құралдарының экологиялық мониторингі» жобасы аясында 2,7 мыңнан астам көлік тексеруден өтті. Шілдеден бастап жылжымалы тексеру тобы көлік құралдарынан шығатын газдардың уыттылығына өлшеу жүргізіп жатыр. Нәтижесінде улы газдарды шамадан тыс бөліп шығаратын 260-тан астам көлік анықтады. Бұл – тексерілген автомобильдердің 9,9 пайызы. Ал, жоба барысында жалпы 25 мыңға жуық көлік тексеруден өтеді», - деп хабарлады Нұр-Сұлтан қаласы әкімдігінің баспасөз қызметінен.

Әкімдік дерегінше, жоба қорытындысы бойынша алынған деректер елорданың ауа сапасын жақсату жұмыстарына ықпал етеді.

Айта кетсек, бұған дейін Қазақстан электр энергетикасы саласындағы зиянды шығарындыларды 60-70% төмендететінін жазған едік.



Фото: facebook.com





Соңғы жаңалықтар