+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Елордада Атырау және Шығыс Қазақстан облыстарының жәрмеңкесі өтіп жатыр

2019 жылғы 28 қыркүйек 12:09
Бөлісіңіз:
Елордада Атырау және Шығыс Қазақстан облыстарының жәрмеңкесі өтіп жатыр

НҰР-СҰЛТАН. ҚазАқпарат - Елордадағы «Хан шатыр» сауда, ойын-сауық орталығының жанындағы алаңда Атырау және Шығыс Қазақстан облыстары ауыл шаруашылығы өнімдерінің жәрмеңкесі өтіп жатыр, деп хабарлайды ҚазАқпарат тілшісі.

Ұқсас жаңалықтар
Биыл астанада 30 жәрмеңке өтіп, онда 7 мың тонна өнім ұсынылды - әкім Елорда әкімі өңірлерге ауыл шаруашылығы жәрмеңкесіне қатысқаны үшін алғыс білдірді Жәрмеңке: СҚО елордаға 100-ден астам тауар түрін жеткізді

Жәрмеңкеге Шығыс Қазақстан облысының 15 ауданы мен екі қаласынан өндірушілер қатысуда.

ШҚО Ауыл шаруашылығы басқармасы басшысының орынбасары Ербол Қуанышевтың айтуынша, шығысқазақстандық кәсіпкерлер Нұр-Сұлтан қаласына 310 тонна көлемінде тауар алып келді. Жалпы сомасы 224,7 млн теңге болатын 15-тен астам тауар түрі сатылады. Атап айтқанда, 60 тоннадан астам бал, 15 тонна сүт өнімі, 13 тонна күнбағыс майы, 3 тонна жарма, 5 тонна балық, 45 тонна жылқы еті, 10 тонна қымыз және ұлттық тағамдар мен пантоөнім, 150 тонна көлемінде көкөніс сату жоспарланған.

Ал Атырау облысының 7 ауданы мен Атырау қаласының тауар өндірушілері елордаға жалпы сомасы 135 млн теңгенің 176,7 тонна өнімін әкелген.


Атырау облысы ауыл шаруашылығы басқармасының басшысы Қайрат Нұрлыбаевтың сөзіне қарағанда, өңірден жеткізілген өнімдер нарықтық құнынан 15-20 пайыз төмен бағамен сатылып жатыр.

«Жалпы, Атырау облысынан жәрмеңкеге 45 тонна балық өнімі, 25 тонна ет өнімі, 36 тонна көкөніс, 40 мың жұмыртқа, 6 тонна сүт өнімі және 65,7 тонна өзге де тауар жеткізілді. Бұл өнімдердің барлығы халыққа қолжетімді бағамен сатылуда. Осы жәрмеңкеге Нұр-Сұлтан қаласы әкімдігінің бекіткен кестесіне сәйкес келдік. Жеткізілген тауарларды тиісті деңгейде өткізу үшін барлық жағдай жасалғанына біздің өңірден келген шаруашылықтар мен кәсіпкерлер ризашылығын айтуда. Жалпы, біздің өңірден жеткізілген өнімге сұраныс жақсы екенін байқадық», - деді Қ.Нұрлыбаев.

Айта кетейік, елордалықтарға ұсынылатын азық-түлік өнімдерінің барлығы санитарлық ветеринарлық талаптарға сай келеді, осы орайда өнімдерге тиісті құжаттар берілген.


Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT