+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Елордада әскери қызметшілер Талғат Бигелдиновті еске алды

2021 жылғы 5 тамыз 17:32
Бөлісіңіз:
Елордада әскери қызметшілер Талғат Бигелдиновті еске алды

НҰР-СҰЛТАН. ҚазАқпарат - Екі мәрте Кеңес Одағының Батыры Талғат Бигелдиновтің туғанына 99 жыл толу құрметіне Нұр-Сұлтан қаласында даңқты ұшқыштың ескерткішіне гүл шоқтарын қою рәсімі өтті. Бұл туралы ҚазАқпарат ҚР Қорғаныс министрлігінің баспасөз қызметіне сілтеме жасап хабарлайды.

Ұқсас жаңалықтар
Елордада алаяқ әйел 19 адамды алдап, 3,5 миллион теңгесін алып кеткен Қазақстанда алғаш рет зымыран шабуылына қарсы қорғаныстың тиімді жүйесі әзірленбек Елордада құрылыс алаңындағы қоқыстан өрт шықты

Оған Халық Қаһарманы армия генералы Мұхтар Алтынбаев, Әуе қорғанысы күштерінің бас қолбасшысы авиация генерал-лейтенанты Нұрлан Орманбетов, Қазақстан әскери-әуе күштерінің ардагерлері мен офицерлері қатысты.

– Бүгін біз Талғат Жақыпбекұлының ерлігіне тағзым етіп, құрмет көрсету үшін жиналып отырмыз. Лайықты ізбасарларды, тәуелсіз Қазақстанның әскери ұшқыштарын, Отан қорғаушыларын даярлайтын Әуе қорғанысы күштерінің әскери институты батырдың есімін мақтанышпен алып жүр. Біздің жүрегімізде даңқты батыр туралы жарқын естеліктер мәңгі сақталады. Батырдың «Оқыңыз. Үйреніңіз. Жан-тәні сау мықты азамат болыңыз. Өзіңізді қиындыққа төзе білуге үйретіңіз. Кез келген жағдайда, кез келген қиындықта рухы мықты адам ғана жеңімпаз болады. Аға буынның жауынгерлік дәстүрлерін, еңбекқорлығын ұстанатын адал мұрагері болыңыз» деген өсиетін әрқашан ұстанамыз, – деді авиация генерал-лейтенанты Нұрлан Орманбетов.

Талғат Бигелдинов Балашовский авиациялық училищесінің курсантынан бастап бірінші Украина майданы құрамындағы 144-ші гвардиялық авиациялық полктің эскадрилья командиріне дейінгі еңбек жолынан жүріп өтті.

Соғыс кезінде ол Ил-2 шабуылдаушы ұшағында 305 рет ұшып, батырлық, ұшуда шеберлік танытып, ең жауапты тапсырмаларды сәтті орындады. Талғат Бигелдинов ерлігі үшін Ленин, Қызыл Ту, Александр Невский, Қызыл Жұлдыз, III дәрежелі Даңқ, I және II дәрежелі Отан соғысы ордендерімен наградталды, екі рет Кеңес Одағының Батыры атағына ие болды.

Соғыстан кейінгі жылдары Талғат Бигелдинов әскери және азаматтық авиацияда қызмет етіп, қоғамдық жұмыспен айналысты.

Талғат Жақыпбекұлы Бигелдинов 2014 жылғы 10 қарашада қайтыс болды.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT