Елордада ашық тұрған құдыққа құлаған 25 жастағы қыз құтқарылды

АСТАНА. ҚазАқпарат - Елордада мамандар ашық құдыққа құлап кеткен қызды құтқарды, деп хабарлайды ҚР ТЖМ баспасөз қызметі.

««112» желісіне Ұлы Дала даңғылы мен Аңырақай көшесінің бойында ашық құдыққа әйел адамның құлағаны туралы хабар келіп түсті.
Шақыру орнына жедел түрде 13 қызметкер мен 3 бірлік техникадан тұратын елордалық ТЖД күштері мен құралдары жіберілді.
Құтқару арқанының және сатысының көмегімен құдықтан 1997 жылғы қыз шығарылды» делінген хабарламада.

Видеодан алынған кадр/ .instagram.com/tjd_astana