Елордада апта ішінде қандай мәдени-спорттық шаралар өтеді
«Жастар» сарайы
27 мамырда сағат 19:00-де «Радуга» қазіргі және эстрадалық би студиясының және «Время» би театрының «Радуга времени!» атты есептік концерті өтеді.
1 маусымда сағат 12:00-де Нұр-Сұлтан қаласы әкімінің кубогы үшін «Барлық балалар ән айтады!» шарасы ұйымдастырылады.
2 маусымда сағат 12:00-де қала әкімінің кубогына «Барлығы ән айтады!» чемпионатының бірінші іріктеу туры өтеді.
«Астана Опера» Мемлекеттік опера және балет театры
28 мамырда сағат 19:00-де «Melodía de la pasión» («Құштарлық әуені») концертін тамашалауға болады.
«Астана» концерт залы
27 мамырда сағат 19:00-де халық әртісі, мәдениет қайраткері, әнші, композитор Ғ. Құрманғалиевтің 110 жылдығына арналған концертті көруге болады.
31 мамырда сағат 19:00-де Қазақ оркестрінің «Алжир аналарға тағзым» атты музыкалық театрландырылған қойылымы ұсынылады.
1 маусымда сағат 17:00-де Халықаралық балаларды қорғау күніне арналған «Бала тілегі» мерекелік концерті өтеді.
2 маусымда сағат 19:00-де Симфониялық оркестрдің «Лучшая музыка Disney и DreamWorks» балаларға арналған концерті басталады.
Қ. Қуанышбаев атындағы Мемлекеттік академиялық қазақ музыкалық драма театры
30 мамырда сағат 10:00-де Т. Теменовтің «Ырылдақ қүшік» ертегісі қойылады.
«Жастар» театры
28 мамырда сағат 19:00-де Е. Уахитовтің «Құдалар» комедиясын тамашалауға болады.
Бейбітшілік және келісім сарайы
31 мамырда сағат 18:30-да және 1, 2 маусымда сағат 17:00-де «Жас қанат» республикалық телефестивалі өтеді.
«Хан Шатыр» СОСО
30 мамыр мен 2 маусым аралығында сағат 10:00-22:00-де - «Nur-Sultan Ethno Fest» Әлем халықтарының этномәдени фестивалі өтеді.
31 мамыр мен 2 маусым аралығында сағат 10:00-де жамбы атудан «Алтын жебе» І Әлем чемпионаты өткізіледі.
«Астана Арена» стадионы
31 мамырда сағат 14:00-де Бірінші лига командалары арасындағы футболдан ҚР Біріншілігі аясында «Астана М» - «Алтай» командаларының ойыны өтеді.
31 мамырда сағат 19:00-де - Премьер-Лига клубтары арасындағы футболдан ҚР Чемпионаты аясындағы «Астана» ФК - «Жетісу» ФК ойынын тамашалауға болады.
«АЛЖИР» мемориалдық кешенінің аумағы
31 мамырда сағат 10:00-де саяси қуғын-сүргін мен тоталитаризм құрбандарына арналған мемориалға гүл қою рәсімі өтеді.
«1932-1933 жылдардағы ашаршылық құрбандарына тағзым» монументі (Абай даңғылы мен Республика даңғылының қиылысы)
31 мамырда сағат 15:00-де «1932-1933 жылдардағы ашаршылық құрбандарына тағзым» монументіне гүл қою рәсімі өтеді.
Қ. Мұнайтпасов атындағы орталық стадион
1 маусымда сағат 9:00-де Халықаралық балаларды қорғау күніне арналған жеңіл атлетикадан Нұр-Сұлтан қаласының чемпионаты басталады.
1 маусымда сағат 11:00-де - Балаларды қорғау күніне арналған мектепке дейінгі балалар арасында веломарафон өтеді.
«Қазақ елі» алаңы
1 маусымда сағат 10:00-де балалар мен жасөспірімдердің музыкалық оркестрлері мен ансамбльдерінің шеруі өткізіледі.
«Астаналық» саябағы
1 маусымда сағат 10:30-да гір көтеруден Нұр-Сұлтан қаласының Чемпионаты ұйымдастырылады.
2 маусымда сағат 8:00-де «Run 24-1» жүгіріс сайысын тамашалауға болады.
«Алатау» СК
1, 2 маусымда сағат 11:00-де пауэрлифтингтен ерлер және әйелдер арасындағы Нұр-Сұлтан қаласының ашық чемпионаты өтеді.