Елордада 8 мектепте күрделі жөндеу жұмыстары жүргізілді

НҰР-СҰЛТАН. ҚазАқпарат - Елорданың 8 мектебінде күрделі жөндеу жұмыстары жүргізілді, деп хабарлайды ҚазАқпарат әкімдіктің сайтына сілтеме жасап.

Қала әкімі А. Көлгінов №27 мектеп-лицейдің жөндеу жұмыстарымен танысты. Оқу сыныптарында жөндеу жұмыстарын жүргізіп, терезелер мен есіктер ауыстырылды. Асхана жабдықтары жартылай ауыстырылды.

Келесі жылы ғимараттың қасбетіне және инженерлік желілерге жөндеу жұмыстары жүргізілетін болады.

Қала әкімі А. Көлгінов оқу жылының басында барлық жұмыстарды аяқтау және мектеп аумағын абаттандыру қажеттігін атап өтті.

Биыл 8 мектепте күрделі жөндеу, 26 мектепте орташа жөндеу (терезелер/есіктерді ауыстыру) , қалғандарында косметикалық жұмыстар жүргізілді. Келесі жылы 14 оқу орнында күрделі жөндеу жұмыстарын жүргізу жоспарланған.