Елордада 7 жасар баланы машина қағып кетті

НҰР-СҰЛТАН. ҚазАқпарат - Елордада белгіленбеген жерден жолды кесіп өтіп бара жатқан 7 жасар баланы машина қағып кетті, деп хабарлайды ҚазАқпарат тілшісі.

Нұр-Сұлтан қалалық полиция департаментінің мәліметіне қарағанда, бүгін шамамен сағат 11.50-де «ВАЗ» маркалы көлік Төлебаев көшесімен келе жатып, белгіленбеген жерде жолды кесіп өтпек болған баланы қағып кеткен.

«Жол-көлік апаты салдарынан 7 жастағы жаяу жүргінші дене жарақатын алды. Ол ауруханаға жеткізілді. Сотқа дейінгі тергеу амалдары жүргізіліп жатыр», - деді ведомстводан.