+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Елордада 4 мыңнан астам ақылы тұрақ ашылады

2019 жылғы 20 желтоқсан 08:48
Бөлісіңіз:
Елордада 4 мыңнан астам ақылы тұрақ ашылады

НҰР-СҰЛТАН. ҚазАқпарат – Елордада жыл соңына дейін 4 мыңнан астам тұрақ орны ақылы жүйеге көшеді, деп хабарлайды ҚазАқпарат Елорда инфоға сілтеме жасап.

Ұқсас жаңалықтар

«Көлік тұрағы кеңістігінің» баспасөз қызметінің мәліметінше, Нұр-Сұлтан қаласында ақылы тұрақ орындары 2018 жылдың 15 қаңтарынан бастап қолға алынды. Жыл басынан бері тұрақ жүйесінің қызметін 19 мыңнан астам автокөлік иелері пайдаланды. Ал тұрақ ақысын төлеуден жалтарған пайдаланушыларға 160 млн теңге көлемінде 31 мыңнан астам айыппұл салынған.

«2019 жылдың соңына дейін тағы 4 мыңнан астам көлік тұрағы ақылы жүйеге көшеді. Ақылы орындарды тестілеу кезінде көлік иелері жаңа жүйенің жұмысымен танысуы үшін тұрақ орнына төлем алынбайды. Халықаралық жүйе бойынша жабдықталған ақылы тұрақ Алматы, Есіл және Сарыарқа аудандарында ашылады», делінген хабарламада.

Нақтырақ тоқталар болсақ:

Алматы ауданында: Қажымұқан, Жұбанов көшелері мен Тәуелсіздік, Б.Момышұлы даңғылдарында;

Сарыарқа ауданында: М.Әуезов көшесі мен Республика даңғылында;

Есіл ауданында: Д.Қонаев, Достық, Сарайшық, Мәңгілік ел көшелерінде және Қабанбай батыр мен Тұран даңғылдарында ашылады.

«Қазіргі уақытта ақылы тұрақтың бір сағаты 100 теңге. Төлем тұрақ сессиясы басталғанға дейін алдын ала төленеді. Оның ақысы көлік тоқтағаннан кейін 30 минут ішінде төленуі керек. Ақылы жүйе таңғы 8-ден кешкі 20.00-ге дейін жұмыс істейді», делінген хабарламажа.

Жүйе ақысын төлеудің түрлі жолдарын ұсынады: банк картасы, қолма-қол, SMS-хабарлама және мобильді қосымша арқылы.

Бір жыл ішінде ақылы автотұрақтарды пайдаланушылар 237 мыңнан астам транзакция жасады. «Астана тұрақтары» қосымшасы қолданушылар арасында кеңінен танымал. Қосымша арқылы тұрақ төлеу кезінде тарифтеу тәулік бойы жүргізіледі. Егер жүргізуші уақытынан бұрын тұрақ алаңынан шығып кетсе, оның ақысы төленген уақыты тұрақ шотында сақталады және келесі тұрақ сессияларын төлеу үшін пайдалануға жарамды болмақ.

«Ақылы тұрақтың басты мақсаты – көше-жол желісінде жүктемені азайту. Жобаны жүзеге асыру жолдардағы проблемалы учаскелерді жеңілдетуге және жол қозғалысының қауіпсіздігін айтарлықтай арттыруға көмектеседі. Ақылы жүйе іске қосылғалы бері әрбір тұрақ орнының айналымдығы 3 есе өсті», - дейді «Көлік тұрағы кеңістігі» ЖШС-ның жетекшісі Шыңғыс Досыбаев.

Автотұрақ аймақтарын фото-видео тіркеу құралдарымен жабдықталған арнайы көліктер патрульдейді. Тұрақ ақысын төлемегендер мәліметі әкімшілік полицияға беріледі. Көлік тұрағын төлеуден жалтарғаны үшін айыппұл 3 АЕК-ті (7 215 теңге). Жеңілдігі бар азаматтар тұрақ үшін ақы төлеуден босатылады. Демалыс және мереке күндері автотұрақ тегін.

Біздің каналымызға жазылыңыз:

Басты сөздер: Нұр-Сұлтан, Көлік,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT