USD 434.24 EUR 492.69
RUB 5.67 CNY 68.46
Jańalyqtar

Елордада 3 жасөспірім банк «тонамақ» болды

2021 жылғы 6 желтоқсан 20:17
Бөлісіңіз:
Елордада 3 жасөспірім банк «тонамақ» болды

НҰР-СҰЛТАН. ҚазАқпарат – Елордада әлеуметтік желіге ролик түсіру мақсатында қоғамдық тәртіпті бұзған кәмелетке толмағандар ұсталды. Бұл жайында Нұр-Сұлтан қалалық Полиция департаментінен мәлім етті, деп хабарлайды ҚазАқпарат тілшісі.

Ұқсас жаңалықтар
ШҚО-да төтенше жағдай талабын бұзған 341 адам жауапқа тартылды Ұлттық кеңес Президенттің жаңа реформалар жоспарын қолдайды: Мемлекеттік аппарат көрсеткіштер мен индикаторларға емес, нәтижеге жұмыс істеуі керек Фейк: «Қазақстанда ата-аналарға балаларды жазалауға тыйым салынады»

«Елордадағы банктердің бірінің менеджерінен «102» арнасына белгісіз адамдардың ғимаратта жүргені және клиенттерге қоқан-лоқы жасағаны туралы хабарлама түсті. Оқиға орнына жеткен полиция қызметкерлері фактіні растаған жоқ. Тексеру барысында 14-15 жастағы үш жасөспірімнің Достық көшесі бойындағы банк ғимаратына қаржы институтын өтірік тонау видеосын түсіру үшін кіргені анықталды. Олар ойыншық тапанша қолданып, видео түсірім жасап, одан кейін бой тасалаған», - деп атап өтеді департаменттен.


Полиция қызметкерлері аталған үш жасөспірімді анықтап, олардың заңды өкілдерін ішкі істер органына шақырған. Балалардың атап өтуінше, олар ролик түсірумен айналысатын киноакадемияда тәлім алады. Сабақ барысында оларға тонау сәті бейнеленген ролик түсіру тапсырмасы берілген. Сценарийге орай қыз бала банк ғимаратына кіргеннен кейін ойыншық тапаншаны серіктесіне кезенген кезде үшіншісі орын алған сәтті камераға түсіріп алған. Осы уақытта банк ғимаратында өзге де келушілер болған.

«Аталған факті бойынша киноакадемия басшылығына қатысты ҚР ӘҚБтК-тің 128-бабымен әкімшілік іс қозғалды. Кәмелетке жасы толмағандардың қоғамдық тәртіпті бұзғаны үшін олардың заңды өкілдері жауапқа тартылды. Ата-аналарының үстінен ҚР ӘҚБтК-тің 435-бабымен әкімшілік іс қозғалып отыр. Жиналған материл процессуалдық шешім қабылдану үшін Нұр-Сұлтан қалалық кәмелетке толмағандар ісі жөніндегі мамандандырылған ауданаралық сотына жіберілді», - делінген ведомство ақпаратында.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT