USD 434.84 EUR 498.2
RUB 5.72 CNY 68.47
Jańalyqtar

Елордада 2022 жылға газет-журналға жазылу жүріп жатыр

2021 жылғы 3 желтоқсан 14:25
Бөлісіңіз:
Елордада 2022 жылға газет-журналға жазылу жүріп жатыр

НҰР-СҰЛТАН. ҚазАқпарат – Нұр-Сұлтан қаласында келер жылға басылымдарға жазылу басталды, деп хабарлайды ҚазАқпарат тілшісі.

Ұқсас жаңалықтар

Бүгін елордада «Жазылым күні» аталып өтілуде. Астаналықтар «Қазпошта» АҚ-ның филиалына келіп 2022 жылға газет-журналдарға жазылып жатыр.

«Бүгін жылдағы дәстүрге сай келер жылға басылымдарға жазылу шарасы өтіп жатыр. Жазылым күні біз үшін мереке. Иә, қазір интернеттің заманы, дегенмен дәстүрді ешнәрсе бұза алмайды. Елорда жұртын газет-журналдарға жазылуға шақырамыз», - деді «Қазпошта» АҚ Нұр-Сұлтан қаласы филиалының директоры Бақытжан Мәлікова.

25 желтоқсанға дейін астаналық оқырмандар «Егемен Казахстан», «Казахстанская правда», «Астана ақшамы», «Вечерняя Астана», «Төртінші билік», «National Geographic Kazakhstan» және тағы басқа республикалық және қалалық басылымдарға жазыла алады.

«Өткен жылы пандемияға байланысты басылым күнін атап өте алмадық. Биыл жағдай оңтайлы. Бүгінгі шараның арқасында біраз оқырман тартамыз деген үміттемін. Біздің газеттің 1 ғасырдан астам тарихы бар. Газет-журнал оқитын оқырмандар саны арта берсін», - дейді «Казахстанская правда» газетінің бас редакторының орынбасары Сәбит Молдыбай.

Сондай-ақ, алғаш болып жазылған оқырмандарға Қазпошта және басылым редакциясы атынан сыйлықтар қарастырылған.

Бұған дейін елімізде газет-журналға жазылушылардың қатары жыл санап азайып бара жатқандығы туралы хабарлаған едік.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT