USD 434.84 EUR 498.2
RUB 5.72 CNY 68.47
Jańalyqtar

Елордада 200 үлескер ұзақ күткен пәтер кілтін алды

2020 жылғы 15 қазан 09:31
Бөлісіңіз:
Елордада 200 үлескер ұзақ күткен пәтер кілтін алды

НҰР-СҰЛТАН. ҚазАқпарат - Елордада құрылысы ұзаққа созылған «Алтын Шар» тұрғын үй кешенінің №1 блогындағы жұмыстар аяқталып, 200 отбасыға пәтер кілті табысталды. Бұл жайында Нұр-Сұлтан қаласының әкімі Алтай Көлгінов Instagram парақшасында жазды, деп хабарлайды ҚазАқпарат тілшісі.

Ұқсас жаңалықтар

«Жұмыс күні аяқталған соң үлескерлермен кездестім. «Алтын шарды» алғаш көрген кезде құрылысы мүлде тоқтап тұрған болатын. «GLB» үй құрылысы комбинатының құрылысшылар мен кредиторлар алдында миллиондаған қарыздары болды. Көппәтерлі тұрғын үй кешені үш блоктан тұрады. Мұндағы жұмыстар қайта жаңғыртылды. Мемлекет тарапынан құрылыс комбинатының жұмысының қайта жандануына көмек көрсетілді. Үйдің бірінші блогының құрылысы аяқталып, пайдалануға берілді. «Алтын Шар« (блок №1) үлескерлеріне кілттер беріліп, құжаттар рәсімделе бастады. Бұл – шамамен 200 отбасы. Отбасылардың бір бөлігі көптен күткен баспанаға кіріп үлгерді», - деді қала басшысы.

Оның атап өтуінше, осы жылдың соңына дейін аталған тұрғын үйдің екінші блогын аяқтау жоспарланған. Сол кезде тағы 200 үлескердің мәселесі шешіледі.

«Ал үшінші блоктағы жұмыстарды күшей̆туді тапсырдым. Ол жерде 218 отбасы пәтерін күтіп отыр. Үйге уақытша кірме жолдар салдық, құрылыс жұмыстары аяқталғаннан кейін аумақты абаттандыруға кірісеміз. Сонымен бірге құрылыс комбинаты «Бағыстанды« аяқтау мен әлеуметтік қолжетімді тұрғын үй құрылысына жұмылдырылған. Үй құрылысы комбинатының жұмысын қайта жаңғырту сапаға нұқсан келтірмей, үйлердің аз уақытта салып шығуға және шаршы метрдің өзіндік құнын төмендетуге мүмкіндік береді», - деп жазды Алтай Көлгінов.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT