Елордада 2 мыңнан астам адам ревакцинациядан өтті
«Қазіргі уақытта халықты бірінші компонентпен вакциналау - 65,6 пайызды, екі компонентпен – 61,4 пайызды құрады. Бұдан басқа, елордалық медициналық ұйымдарда халықты қайта вакцинациялау басталды, осыдан 6-9 ай бұрын екпе алғандар, яғни 2 100 адам Covid-19-ға қарсы ревакцинациядан өтті», - деді Сархат Бейсенова елорда әкімдігінде өткен брифингте.
Бұған дейін санитар дәрігер коронавирус инфекциясының омикрон штамын анықтау бойынша жүргізіліп жатқан жұмыстарды баяндаған еді.
«Екі айда бір рет қаланың эпидемиологиялық қызметі, бүкіл республика секілді қандай вирус басым екенін бақылау үшін коронавирус инфекциясының штаммдарын анықтау және зерттеу бойынша мониторинг жүргізеді. Қазір 35 сынама зерттеу сатысында тұр. Соның нәтижесінде біз елордада және жалпы республика бойынша «омикрон» айналымы бар-жоғын айта аламыз», - деді ол.