«Елорда жастар сыйлығы» байқауының жеңімпаздары анықталды
«Елорда жастар сыйлығы» елдің дамуына өз үлестерін қосып жүрген жас әрі келешегінен зор үміт күттіретін қазақстандықтардың басын қосты.
Конкурстың мақсаты - дарынды жастарды мемлекеттік деңгейде қолдау, олардың ғылыми, шығармашылық және қоғамдық қызметі, сондай-ақ жастар мен үкіметтік ұйымдар арасындағы ынтымақтастықты дамыту, табысты жастардың идеалын қалыптастыру.
Өтінімдерді қабылдау 16-25 қараша аралығында өтті.
«Елорда жастар сыйлығы» «Рухани жаңғыру» бағдарламасы аясындағы басты жобалардың бірі болуы керек. Мемлекет басшысы 2019 жылды Жастар жылы деп жариялады. Қазіргі таңда Астана қаласы әкімдігі Жастар жылы аясында ауқымды жобаларды жүзеге асыру мақсатында «Жол картасы» қалалық бағдарламасын әзірлеп жатыр.
Жақында қалада жетекші жастар ұйымдарымен кездесу өтті, онда келесі жылы іске асырылатын бірқатар жоба мен бағдарлама талқыланды. Сіздерді іс-шараларға қатысып, белсенділік танытады деп сенемін. Астанада көптеген қызықты, шығармашылық, көпфункционалды жобалар жүзеге асырылатын болады. Менің ойымша, жастар жылы аясында жүзеге асырылатын жол картасы ел бойынша ең қызықты әрі шығармашылық іс-шараларға айналады деп ойлаймын. Астана жастарының жұмыстарын қолдауға арналған бұл марапат елордадағы жастар ортасына тереңірек сіңіп, елеулі мәдени орынға ие болады деп айта аламыз», - деп атап өтті Астана қаласы әкімінің орынбасары Ермек Аманшаев марапаттау рәсімінде.
Осылайша, «Жыл жаңалығы» номинациясында Асылхан Төлепов, «Эстрада» номинациясында Гүлмира Исімбаева, «Ғылым» номинациясында Аян Нұркеш, «Қазіргі заманғы өнер» номинациясында Қанат Нұртазин, «Журналистика» номинациясында Әмір Саменбетов, «Әлеуметтік белсенділік» номинациясында Әйгерім Көкеева, «Спорт» номинациясында Ілияс Фаткулин, «Театр» номинациясында Шехназа Кызыханова, «Кино» номинациясында Арман Қайыржан, "ҮЕҰ" (жастар саясаты саласындағы) номинациясында Бақдәулет Жанділдаев, «Үздік өндіріс қызметкері» номинациясында Данияр Танатов, «Үздік әлеуметтік қызметкер» аталымында Қуаныш Жағалбаева, «Жыл еріктісі» аталымында Мақсат Жолдыбай, «Үздік SMM менеджер» аталымында Алтынбек Керешев, «Өнерге қосқан үлесі үшін» аталымында Маргарита Попова, «Ерлік үшін» - Бақтияр Ілиясов жеңіске жетті.
«Барлық кандидаттар мен жеңімпаздарды «Елорда жастар сыйлығы» марапатымен құттықтаймыз, мен сіздерге сәттілік тілеймін. 2019 - жастар жылы. Келесі жылы да бұл марапат өз құндылығын көрсетіп, елімізге үлесін қосып, өзін көрсеткен жастарға берілетін болады», - деп атап өтті Қоғамдық даму істері бөлімінің басшысы Данияр Есин.
Кеш қонақтарына арналып қызыл кілем төселді, мерекелік швед үстелімен және қазақстандық эстрада жұлдыздарының қатысуымен концерттік бағдарлама ұйымдастырылды.