+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Елорда ұстаздары биік талаптарға сай болуы тиіс – Алтай Көлгінов

2019 жылғы 5 қазан 03:30
Бөлісіңіз:
Елорда ұстаздары биік талаптарға сай болуы тиіс – Алтай Көлгінов

НҰР-СҰЛТАН. ҚазАқпарат – Елордадағы «Қазақстан» орталық концерт залында мұғалімдер күніне арналған «Qaldyrǵan iziń mángilik» атты мерекелік шара өтті, деп хабарлайды ҚазАқпарат тілшісі.

Ұқсас жаңалықтар
«Nur Otan» әрдайым ұстаздардың мүддесін сақтап қалады – Бауыржан Байбек Асхат Аймағамбетов мұғалімдерді кәсіби мерекесімен құттықтады Нұрлан Нығматулин мұғалімдерді кәсіби мерекесімен құттықтады

«Сіздердің қажырлы еңбектеріңіз бен әрбір оқушыға ерекше ықыласыңыздың арқасында еліміздің зияткерлік әлеуеті қалыптасуда. Елбасы тапсырмасына сәйкес елімізде алғаш рет педагог мәртебесі туралы заң дайындалып жатыр. Ұстаздар еңбегінің әділ бағалануы ресми құжатпен реттеледі. Мемлекет басшының биылғы тамыз кеңесіне қатысуы мен өз жолдауында ұстаз мәртебесі туралы сөз қозғауы білім беру саласына көңіл бөлініп жатқанын көрсетеді. Елорда ұстаздары жоғары талаптарға сай болуы тиіс. Бас қаламызды Целиноград кезімен салыстырсақ, ұстаздар саны 5 есе артқан. Бүгінде елордада 0-15 жас аралығындағы 295 мың бала бар. Олардың білімі мен тәрбиесі - сіздердің ерен еңбектеріңіздің жемісі», - деді Нұр-Сұлтан қаласының әкімі Алтай Көлгінов.

Айтулы шарада 3 мұғалім - Ы. Алтынсарин атындағы төсбелгімен, 8 мұғалім - қала әкімінің алғыс хатымен және астаналық 3 ұстаз - ҚР білім беру ісінің құрметті қызметкері төсбелгісімен марапатталды.


«Орта білім беру саласында 20 жылдан астам еңбек етіп келемін. Ұстаздық жолды №18 мектепте бастадым, содан осы мектептемін. Ұстаздық етуге ешкім кездейсоқ келмейді, себебі бұл саланың жауапкершілігі зор. Оның үстіне қала әкімі айтқандай, елордалық мұғалімдер барша ел ұстаздарына үлгі болуы керек. Бұны мақтау емес, жауапкершілік деп қабылдаймыз. Әрине, әр ұстаз марапат пен құрметке лайық, дегенмен ұстаздың да ұстазы бар, олардың еңбегі бағалануы тиіс. Бүгінгі марапатты 20 жылдық еңбегімнің еленгені ғана емес, алдағы уақытта бұдан да жоғары жетістікке жетудің белгісі деп білемін», - деді қалалық №18 мектебінің қазақ тілі және әдебиеті пәнінің мұғалімі, ҚР білім беру ісінің құрметті қызметкері төсбелгісімен марапатталған ұстаз Қуаныш Қаласова.


Айта кетейік, биылғы ұстаздар күні шарасының ерекшелігі - ол сабақ ретінде өтті. Яғни көрермендер бір сәтке өздерін мектеп партасында отырғандай сезініп, мектеп пәндерін еске түсірді.


Мерекелік кеш эстрада жұлдыздары Қарақат Әбілдина, Айгүл Иманбаева, Мөлдір Әуелбекова, Медет Салықов пен Клара Төленбаева, Ринат Мальцагов және астаналық жас өнерпаздардың қатысуымен өткен концерттік бағдарламаға ұласты.







Біздің каналымызға жазылыңыз:

Басты сөздер: Нұр-Сұлтан, Әкім, Білім,
Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT