+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Елорда тұрғыны телефон ұрлап, оны қардың астына тығып тастаған

2020 жылғы 28 қараша 17:28
Бөлісіңіз:
Елорда тұрғыны телефон ұрлап, оны қардың астына тығып тастаған

НҰР-СҰЛТАН. ҚазАқпарат – Полиция қызметкерлері жедел ідестіру шараларын жүргізу барысында телефон ұрлығына күдікті 34 жастағы елорда тұрғынын ұстады, деп хабарлайды Қазақпарат Нұр-Сұлтан қалалық ПД баспасөз қызметіне сілтеме жасап.

Тергеу кезінде полицейлер ұсталған азаматтың оған дейін медициналық көмек алу үшін ауруханаға барғанын анықтады. Дәрігерді күтіп отырып, ол ауруханада жатқан басқа науқастың өтініші бойынша арбы сырғытқыны медбикелер бөлмесіне алып барған.

Медбикелер бөлмесінде ер адам «Samsung» маркалы ұялы телефонның қараусыз қалғанын көріп, осы жағдайды пайдаланып, оны кабинеттен алып шыққан.

Ұрлықпен ұсталудан қорыққан күдікті далаға шығып, телефонды қардың астына тығып тастаған. Содан кейін ол дәрігер қабылдауына қайта оралған.

Ем қабылдап болғаннан кейін ол үйілген қар астынан жасырған олжасын алып шығып, белгісіз бағытқа қашып кеткен.

Ол ұрлықтың «ізін жасырған», бірақ ер адам аурухана аумағы бейнебақылау жүйесімен жабдықталғанын және оның әрекеттері камераға түсіп қалғанын байқамаған.

Күдікті өз кінәсін мойындады. Ер адам бұған дейін жеке мүлікті ұрлағаны үшін сотталған екен.

Аталған факті бойынша ҚР ҚК 188-бабы бойынша сотқа дейінгі тергеу жүргізілуде. Ұсталған азаматтың елорда аумағында осыған ұқсас бұрын жасалған қылмыстарға қатысы бар-жоғы анықталып жатыр.

Нұр-Сұлтан қаласының полиция департаменті азаматтарға сақ болуға және бағалы заттарын қараусыз қалдырмауға кеңес береді.


Біздің каналымызға жазылыңыз:

Бөлісіңіз:

Автор:

Аяулым Алтынбек

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT