+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Елорда полициясы тәуліктің қай уақытында қылмыс көп жасалатындығын айтты

2019 жылғы 16 сәуір 14:54
Бөлісіңіз:
Елорда полициясы тәуліктің қай уақытында қылмыс көп жасалатындығын айтты

НҰР-СҰЛТАН. ҚазАқпарат - Елордада түнгі сағат 1-ден таңғы 6-ға дейінгі аралықта қылмыс көп жасалады. Бұл туралы бүгін Нұр-Сұлтан қалалық жергілікті полиция қызметі басқармасының бастығы Тахир Әбдірахманов айтты, деп хабарлайды ҚазАқпарат тілшісі.

«Ағымдағы жылдың бірінші тоқсанында қала аумағында тіркелген қылмыстардың 119 фактісі алкогольге мас күйде жасалған. 36 құқық бұзушылық кезінде күдіктілер көңіл көтеру орындарында алкогольді ішімдік ішкен», деді ол Нұр-Сұлтан қалалық кәсіпкерлердің құқығын қорғау және сыбайлас жемқорлыққа қарсы іс-қимыл кеңесінің отырысында.

Оның дерегінше, елордада түнгі сағат 1-ден таңғы 6-ға дейінгі аралықта қылмыс көп жасалады.

«Мәселен, осы жылдың 14 наурызында таңғы сағат 5-те «Хиты ХХ века» түнгі клубының жанында орын алған жаппай төбелес кезінде азамат А-ға бел тұсынан пышақ ұрған. 31 наурызда сағат 04-30-да азамат Б-ға «Золото» мейрамханасының жанында кеуде тұсынан бірнеше мәрте пышақ салған», - деді Тахир Әбдірахманов.

Айта кетерлігі, отырыс барысында елордадағы дәмхана, мейрамханаларда сағат 23-00-ден таңғы сағат 8-00-ге дейінгі аралықты алкоголь өнімдерін сатуға шектеу қоюға қатысты мәселе талқыланды.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT