Елорда полициясы қаладан шығатын жолдарға блокпостар неге қойылғанын түсіндірді

НҰР-СҰЛТАН. ҚазАқпарат – Нұр-Сұлтан қаласы полиция департаментінің баспасөз қызметі аса ауыр қылмыс жасады деген күдікпен бір азаматтың ұсталғанын мәлім етті, деп хабарлайды ҚазАқпарат тілшісі.

«Бүгін, 16 қыркүйекте елорда аумағында аса ауыр қылмыс жасалды. Осыған байланысты күдіктіні ұстау үшін Нұр-Сұлтан қаласы полиция департаментінің жеке құрамы жұмылдырылды. Қаладан шыға берістерге блокбекеттер қойылып, «ұстап алу» жоспары жарияланды. Қазіргі уақытта күдікті ұсталды. Тергеу амалдары жүргізіліп жатыр», - деп жазылған полиция департаментінің баспасөз қызметі таратқан мәліметте.