+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Елорда полициясы интернет арқылы жасалатын тағы бір қылмысты әшкереледі

2020 жылғы 20 қараша 14:40
Бөлісіңіз:
Елорда полициясы интернет арқылы жасалатын тағы бір қылмысты әшкереледі

НҰР-СҰЛТАН. ҚазАқпарат – Елорданың полиция қызметкерлері Instagram әлеуметтік желісінде жалған аккаунт құрып, онда әйелдерге арналған киім сатамын деп адамдарды алдаған 31 жастағы әйелді ұстады.

Ұқсас жаңалықтар
Алматыда педофил 20 жылға сотталды Павлодарда үш бала мен анасының жұмбақ өліміне қатысты мәлімет шықты Семейде көпқабатты үйге лифт орнатамын деп көршілерінен 1 млн теңге жинаған алаяқ ұсталды

Бұл туралы ҚазАқпарат Нұр-Сұлтан қаласының Полиция департаментіне сілтеме жасап хабарлайды.

Алаяқ әйел желідегі парақшасына түрлі киімдердің суреттері мен оларға жеңілдіктер туралы ақпарат орналастыратын болған. Өзінің «тауарына» қызығушылық танытқан адамдармен мессенджер арқылы байланысқа шыққан ол алатын заты үшін тұрғындардың банк карточкасына алдын ал төлем жасауын талап еткен.

Алаяқ әйелдің бұл әрекетінен Нұр-Сұлтан қаласының 41 жастағы тұрғыны зардап шекті. Ол «сатушының» карточкасына 83 250 теңге көлеміндегі ақшасын аударған. Ақшаны алған «саудагер» аккаунтын бұғаттап, ұялы телефонын өшіріп тастаған.

Қазіргі кезде ұсталған әйелге қатысты ҚР Қылмыстық кодексінің 190-бабымен (алаяқтық) сот алдындағы тергеу амалдары жүргізіліп жатыр.

«Интернетте жеңілдіктері бар әдемі киімдер мен заттар туралы аккаунттар адамдарды қызықтырмай қоймайтыны белгілі. Олардың көбі тауардың бар-жоғына көз жеткізбестен, электрондық әмиянға алдын ала төлем жасайды»,-дейді баспасөз қызметінен.

Осы ретте олар интернет-сауда жасау барысында алаяқтардың әрекеттерінен сақтану үшін есте ұстау қажет бірнеше мәселені атады:

- Сатушының телефон нөмірі мен мекенжайының жазылмауы;

- Сатушымен байланыс тек телефон арқылы ғана жүргізіледі;

- Тауардың бағасы басқа сатушылардың осындай тауарға ұсынып отырған бағасымен салыстырғанда тым төмен.

«Нұр-Сұлтан қаласының полициясы түрғындарды Интернет арқылы тауар сатып алу кезінде қырағылық танытуға шақырады. Егер сіз интернет-алаяқтардың әрекеттерінен зардап шеккен болсаңыз, мына телефон нөмірлеріне хабарласуыңыз қажет: 71-67-10, 71-66-10, 71-65-58, немесе 102»,-делінген хабарламада.


Біздің каналымызға жазылыңыз:

Бөлісіңіз:

Автор:

Зарина Туғанбаева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT