+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Елорда полицейлері карантин талаптарын еске салып, халыққа маска таратып жүр

2020 жылғы 23 мамыр 20:02
Бөлісіңіз:
Елорда полицейлері карантин талаптарын еске салып, халыққа маска таратып жүр

НҰР-СҰЛТАН. ҚазАқпарат - Елордалық тәртіп сақшылары халық арасында түсіндіру жұмысын жүргізіп жатыр, деп хабарлайды ҚазАқпарат қалалық полиция департаментіне сілтеме жасап.

Елордалық полицейлер волонтерлермен бірге парк, скверде серуендеген халыққа, жұмысын жандандырған сауда үйіне келушілерге маска таратты. Сақшылар «Тұлпар», «Астаналық» сауда үйінің және супермаркеттердің аумағын тексеріп, түсіндіру жұмысын жүргізді.

Қоғамдық орында қорғаныс құралынсыз жүрген тұрғындармен әңгімелескеннен кейін полицейлер оларға бетперде таратты. Тұрғындар полиция қызметкерлеріне көңіл бөліп, қажетті құралмен қамтамасыз еткені үшін алғыс айтты.

«Карантин режимі әлі аяқталған жоқ. Біз адамдарға жеке қауіпсіздік ережелерін түсіндіреміз және оларды сақ болуға, дүкенде арақашықтықты сақтауға, міндетті түрде маска киюге шақырамыз. Бүгін біз ескерту жұмыстарын жүргіздік. Егер сауда үйлері карантин талаптарын сақтамаса, онда біз ҚР ӘҚБК 462-бабы бойынша әкімшілік жауапқа тартамыз және карантинді бұзатын мекемелерді жабуға дейін апаратын шара қабылдайтынымызды ескертіп, өтінішхат жолдаймыз», – дейді қалалық полиция департаменті жергілікті полиция қызметінің басшысы Ғосман Жакин.

Полицейлер тұрғындарға қажеттілік туындамаса үйден шықпау керектігін ескертеді. Осы шаралардың барлығы тұрғындардың қауіпсіздігі үшін жасалып жатыр.



Біздің каналымызға жазылыңыз:

Бөлісіңіз:

Автор:

Жанат Қапалбаева

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT