+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Елорда полицейлері екі есірткі сатушысын ұстады

2021 жылғы 23 шілде 13:59
Бөлісіңіз:
Елорда полицейлері екі есірткі сатушысын ұстады

НҰР-СҰЛТАН. ҚазАқпарат – Арнайы операция барысында елодалық полицейлер екі есірткі сатушысын ұстады, деп хабарлайды Нұр-Сұлтан қаласы ПД баспасөз қызметіне сілтеме жасап.

Ұқсас жаңалықтар
Нұр-Сұлтанда көпірден суға секіріп кеткен 15 жастағы қызды 2 жігіт құтқарды Елордада жолдың қарсы бетіне шығып жарысқан жүргізушілер жазаланды Нұр-Сұлтанда әйел баласымен бірге көп қабатты үйдің балконынан секірмек болған

Бұрын ауыр қылмыс жасағаны үшін сотталған 46 және 39 жастағы күдіктілер астана аумағында наша сатуға тырысқан. Барлығы есірткі сатушылардан 4 кг есірткі заттары тәркіленді.

Жеңіс даңғылының бойында полиция «Рено Дастер» автокөлігін тоқтатқан. Оның алдыңғы орындығының астынан өсімдік тектес сұр-жасыл түсті зат оралған үш полиэтилен түйіншегі табылды.

Сонымен қатар 39 жастағы күдіктінің пәтерін тінту кезінде сатуға дайындалған үш наша түйіншегі анықталған. Тәркіленген есірткі заттарының жалпы салмағы – 2 кг 167 гр.

Тәртіп сақшылары 46 жастағы екінші есірткі сатушысының пәтерін де тінтіді. Тінту кезінде күдіктінің үйінен есірткі заттары бар екі полиэтилен пакеті тәркіленді. Сараптаманың қорытындысына сәйкес, тәркіленген нашаның жалпы салмағы – 1 кг 715 гр.

Аталмыш факті бойынша ҚР ҚК-нің 4-бөлімі 296-бабына сәйкес қылмыстық іс қозғалды. Күдіктілер уақытша ұстау изоляторына қамалды. Есірткі заттарының қайдан алынғаны анықталуда.


Біздің каналымызға жазылыңыз:

Бөлісіңіз:

Автор:

Бибіхан Серікова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT