Елорда мектептерін оқулықпен қамтуға 3,2 млрд теңге бөлінеді

НҰР-СҰЛТАН. ҚазАқпарат – Жаңа оқу жылында астаналық мектептерді оқулықпен қамтуға 3,2 млрд теңгеден астам қаржы қарастырылған, деп хабарлайды ҚазАқпарат тілшісі.

«Жаңа оқу жылында оқулықпен қамту үшін 3,2 млрд теңгеден астам қаражат қарастырылған. Қазірдің өзінде жеткен оқулықтарда қабылдап, мектептерге үлестіріп жатырмыз. Оқулықтың басым бөлігі Алматыдағы баспалардан шығарылған. 20 тамызға дейін оқулық мәселесін біржақты ету жоспарланған. Әзірге кесте бойынша келеміз, кедергі жоқ», - деген басқарма басшысы қала мектептеріндегі бастауыш сынып оқушыларын жеке шакфпен қамту мәселесіне тоқталды.

«Қазіргі таңда мектептердің 60 пайызы шкафпен қамтылды. Кейбір мектептер бос орын болмауы себепті шкаф қоя алмай отыр. Тым болмағанда 1-2 сынып оқушыларын шкафпен қамтуды міндеттеп отырмыз. Бұл мәселені жанама ғимараттар арқылы шешіп жатқандар бар», - деді ол.