+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Елорда күніне орай Алматыда 40 нысан пайдалануға берілді

2020 жылғы 5 шілде 14:39
Бөлісіңіз:
Елорда күніне орай Алматыда 40 нысан пайдалануға берілді

АЛМАТЫ. ҚазАқпарат - Алматы әкімі Бақытжан Сағынтаев Елорда күніне орай Алматыда 40 нысан пайдалануға берілгенін айтты, деп хабарлайды ҚазАқпарат тілшісі.

Ұқсас жаңалықтар
Петропавлда шаңғы базасының аумағын қалпына келтіруге 70 млн теңге жұмсалды Қостанай облысында екі жатақхана салынып жатыр Шымкентте Азиядағы ең ірі ату спорт кешені салынып жатыр

Шаһар басшысы Б. Сағынтаев Instagram парақшасында карантиндік шараларға қарамастан құрылыс саласы жоғары қарқынды сақтап қалғанын жазды.

«Берілген нысандар бойынша аралық қорытынды шығарылды. Әлбетте, карантин қалыпты өмірімізге өзгерістер енгізді. Десе де, Астана күніне дайындығымыз жаман емес», – деді Б. Сағынтаев.

Қала әкімі Елбасының және Мемлекет басшысының Алматы қаласын дамыту жөніндегі тапсырмаларына сәйкес әлеуметтік нысандар мен тұрғын үйге ерекше назар аударылғанын тілге тиек етті.

4 мектеп, 2 балабақша, 2 музыкалық мектеп, 100 келушіге арналған және 40 төсек-орны бар медициналық орталық пайдалануға беріледі. Құрылысшылар алты тұрғын үй кешенінен 179 мың шаршы метр тұрғын үйді, бұл дегеніміз – 1,5 мың пәтерді өткізуге дайын. Бизнес саласы бірқатар коммерциялық жобаларды жүзеге асырмақ. Олар пандемия еңсерілгеннен кейін толық қуатымен жұмыс істейтін жаңа өндірістерді іске қосады. Бұл нысандарда 3200 жаңа жұмыс орны ашылады.

«Белгіленген жоспарларды іске асыру болашаққа жаңа серпінмен оптимистік тұрғыда қарауға мүмкіндік береді. Бүгінде біз осынау қиын кезеңнен бизнесті аман алып қалу үшін барлық қолдау шараларын жүргізіп жатырмыз. Бірлесе қала экономикасының мүддесіне нұқсан келтірмей және қатаң карантиндік шараларды сақтай отырып, өмір сүруді және жұмыс істеуді үйренеміз деп сенемін», – деп түйіндеді сөзін Б. Сағынтаев.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT